Британскиот фонд за стипендии – British Scholarship Trust доделува до 6 стипендии за кратки студиски престои (од 1 до 3 месеци) за млади истражувачи од Република Северна Македонија на соодветни високообразовни и научни истражувачи институции во Велика Британија за 2025 година.

Стипендијата изнесува 1000 фунти месечно за универзитети надвор од Лондон и 1200 фунти месечно за институции во Лондон, за покривање на трошоците за сместување и исхрана. Патните трошоци паѓаат на товар на кандидатите.

Услови за конкурирање:

· Завршени академски универзитетски студии од прв циклус со просечен успех над 8,00;

· Одлично познавање на англиски јазик;

· Да не се постари од 30 години во академската година на студискиот престој;

· Да имаат обезбедена согласност од соодветна институција од Велика Британија за реализација на студискиот престој.

Потребни документи за конкурирање:

1. Молба, вклучително адреса на живеење, е- mail и контакт телефон ;

2. Биографија (CV);

3. Предлог програма за истражување, на една страна, формат А4;

4. Согласност од институцијата во Велика Британија за прифаќање на студискиот престој;

5. Копија од диплома за завршено образование;

6. Две препораки од универзитетски професори или истражувачи, во запечатени пликови;

7. Потврда за познавање на англискиот јазик (TOEFL, IELTS или слично) 

8. Пополнета апликација преземена од www.britishscholarshiptrust.org и две фотографии.

Пополнетата апликација и другите потребни документи треба да се поднесат директно на канцеларијата на British Scholarship Trust на e-mail: chairperson@britishscholarshiptrust.org и до Министерството за образование и наука на e-mail: aleksandar.tutnovski@mon.gov.mk.

Крајниот рок за поднесување на документите е 01 април 2025 година.

Подетални информации може да се обезбедат преку www.britishscholarshiptrust.org или на e-mail: aleksandar.tutnovski@mon.gov.mk