УНЕСКО ги повикува земјите членки да поднесат свои номинации за наградата за образование на девојки и жени за 2021 година. Наградата е воведена во 2015 година и има за цел да оддаде признание на индивидуалци, групи или организации кои имаат реализирано проекти во кои е нагласено образованието на девојки и жени.

Кандидатурите, односно образложението за наградата и формуларот за номинација, се поднесуваат единствено преку Перманентните делегации на државите - членки во УНЕСКО и тоа преку он-лајн платформата на УНЕСКО: http://unesco.org/gwe , најдоцна до 26 мај 2021 година.

Со цел навремено доставување на евентуалните кандидатури од Република Северна Македонија, потребно е сите заинтересирани предлозите да ги достават до Националната комисија за УНЕСКО во електронска форма, најдоцна до 17 мај 2021 година , со цел истите да бидат доставени до нашата Перманентна делегација во Париз.