Заедничкиот истражувачки центар (JRC) објавува нов повик за високообразовни институции (ВОИ) или универзитети за учество во Програмата за заедничко докторско партнерство (CDP).
CDP е иницијатива на JRC за воспоставување стратешки соработки со ВОИ/универзитети. Програмата овозможува спроведување на двојни докторски проекти, при што ВОИ/универзитетите соработуваат со JRC за заедничко дизајнирање, организирање и надгледување на докторските истражувања во рамките на портфолиото на JRC. Докторскиот проект служи како платформа за истражување на нови идеи и можни идни соработки со JRC.
За повикот:
Повикот е наменет за ВОИ/универзитети кои сакаат заеднички да организираат докторски проекти со JRC и на тој начин да ги зајакнат врските со JRC. Повикот е формулиран околу 25 теми за соработка.
Успешните апликанти ќе имаат можност да воспостават научна соработка со JRC, што ќе резултира со заеднички докторски проект. За време на престојот во JRC, трошоците на докторските кандидати ќе бидат покриени од JRC.
Краен рок за аплицирање е 18 март, 23:59 (CET)
Од 2025 година, CDP ќе објавува годишен повик за изразување интерес од страна на ВОИ/универзитети за учество во програмата.
Повеќе информации за CDP можете да најдете ТУКА и за Повикот за изразување интерес за 2025 година ТУКА.
Контакт: Марина Николовска
