Министерството за образование и наука информира за можноста на македонските граѓани да учествуваат во OPCW асоцијативната програм 2025.

Целта на Програмата е да се подобри знаењето за Конвенцијата за хемиското оружје и да ги развие вештините во областа на хемиското инженерство, интегрираното управување со хемикалии, и хемиска безбедност и сигурност во контекст на хемиската индустрија.

Потребно  е Кандидатите да ги имаат следните квалификации:

- прв степен (BSc или еквивалент) по хемија или хемиско/проектно инженерство од универзитет или друга призната институција за високо образование, како и минимум пет години релевантно работно искуство (на пример, во хемиската индустрија, проектно инженерство, државни институции, истражувачки лаборатории или академски кругови).

Освен тоа, работно искуство во Национално тело или друга владина агенција која е вклучена во спроведувањето на Конвенцијата или сличен меѓународен регулаторен инструмент ќе се смета за предност.

Наставата ќе се одвива на англиски јазик и ќе се спроведе во периодот од 28 јули до 25 септември 2025 година во Хаг, Холандија (и на други локации).

Напомена: Доколку кандидатот по пристигнување во Хаг покаже дека не ги исполнува наведените услови, постои можност да не му биде дозволено да учествува во програмските активности.

Трошоците за пат, сместување, исхрана, осигурување (патничко и медицинско) се на товар на Организаторот.

Краен рок за пријавување е 16 февруари 2025 година, преку платформата EVENTUS - https://eventus.opcw.org/

За повеќе информации, заинтересираните може да се обратат на програмскиот офицер, г-дин Таеон Ким или на проект асистентката г-ѓа Јулиа Гонзалес преку следниов е-маил:  (icb.events@opcw.org).

Во прилог на ова известување имате повеќе детали во врска со самата програма како и за пријавување во истата.