Министерство за образование и наука

  / Конкурси / Конкурс за доделување 520 (петстотини и дваесет) стипендии за социјална поддршка на ученици од јавните средни училишта во Република Северна Македонија за учебната 2021/2022 година

Конкурс за доделување 520 (петстотини и дваесет) стипендии за социјална поддршка на ученици од јавните средни училишта во Република Северна Македонија за учебната 2021/2022 година

 

Врз основа на член 54 став 1 од Законот за ученичкиот стандард („Службен весник на Република Македонија” бр. 52/05, 117/08, 17/11, 135/11, 15/13, 41/14, 146/15, 30/16, 64/18, 20/19 и „Службен весник на Република Северна Македонија“ бр. 248/20 и 302/20), Одлуката за утврдување на бројот на стипендистите и висината на стипендиите за ученици запишани во средните училишта во Република Северна Македонија за учебната 2021/2022 година (“Службен весник на Република Северна Македонија” бр. 166/21), и Решението за распишување Конкурс за доделување 520 (петстотини и дваесет) стипендии за социјална поддршка од јавните и средните училишта во Република Северна Македонија за учебната 2021/2022 година бр. бр.19-11179/1 од 26.07.2021 година година, Mинистерството за образование и наука распишува

 

К О Н К У Р С

за доделување 520 (петстотини и дваесет) стипендии за социјална поддршка на ученици од јавните средни училишта во Република Северна Македонија за учебната 2021/2022 година

 

Министерството за образование и наука за учебната 2021/2022 година ќе додели 520 (петстотини и дваесет) стипендии за социјална подршка на ученици од јавните средни училишта во Република Северна Македонија.

 

 I. УСЛОВИ ЗА ДОДЕЛУВАЊЕ НА СТИПЕНДИЈА

Право на стипендија имаат кандидатите кои учат во јавните средни училишта во Република Северна Македонија, а ги исполнуваат следните услови:

1. Да се редовни ученици од I година, кои во текот на основното образование постигнале континуиран најмалку многу добар успех;

2. Да се редовни ученици од II, III и IV година, кои во текот на средното образование постигнале континуиран најмалку многу добар успех;

3. Да не повторувале година во текот на образованието;

4. Да не се корисници на стипендија од други институции или фирми;

5. Да се државјани на Република Северна Македонија.

 

Критериум за доделување на стипендиите се:

-Материјалната состојба на потесното семејство на ученикот,

-Социјалната положба на потесното семејство на ученикот,

-Остварениот успех и

-Освоени награди на меѓународни/државни натпревари освоени во текот на претходните две учебни години за учениците од прва година, односно во текот на претходната учебна година за учениците од II, III и IV година

 

За критериумот материјалната состојба на учениците и нивното потесно семејство, се земаат месечните примања по основ на месечна плата, пензија, социјална помош или надомест по основ на технолошки вишок за родителите-старатели на семејство на ученикот во однос на просечно исплатената месечна нето плата по вработен во Република Северна Македонија за последните три месеци утврдена од Државниот завод за статистика.

Ако месечните примања на потесното семејството по член се помали или еднакви со 35% од просечно исплатена месечна нето плата во Република Северна Македонија кандидатот го добива максималниот број на 60 бодови, ако месечните примања на семејството по член се поголеми од 35% а се помали или еднакви со 45% од просечно исплатена месечна нето плата во Република Северна Македонија кандидатот добива 40 бодови, ако месечните примања на семејството по член се поголеми од 45% а се помали или еднакви со 55% од просечно исплатена месечна нето плата во Република Северна Македонија кандидатот добива 30 бодови, ако месечните примања на семејството по член се поголеми од 55% а се помали или еднакви со 65% од просечно исплатена месечна нето плата во Република Северна Македонија кандидатот добива 20 бодови, ако месечните примања на семејството по член се поголеми од 65% а се помали или еднакви со 75% од просечно исплатена месечна нето плата во Република Северна Македонија кандидатот добива 10 бода, а ако месечните примања на семејството по член се повисоки од 75% од просечно исплатена месечна нето плата во Република Северна Македонија не се добиваат бодови.

Вкупните месечни примања по член на семејство, се пресметуваат како збир од сите приходи на месечно ниво на секој член на семејството со кое живее ученикот, поделен со вкупниот број членови на семејството.

За месечни примања се сметаат:

  • Последна исплатена плата од татко
  • Последна исплатена плата од мајка
  • Последна исплатена плата од други членови на семејството
  • Приходи од вршење стопанска и професионална дејност (на годишно ниво) / 12 (месеци) за секој член на семејството поединечно
  • Приходи од вршење земјоделска дејност (на годишно ниво) / 12 (месеци) за секој член на семејството поединечно
  • Приходи од имот и имотни права (на годишно ниво) / 12 (месеци) за секој член на семејството поединечно
  • Останати приходи (на годишно ниво) / 12 (месеци) за секој член на семејството поединечно
  • Учениците – деца на самохрани родители, деца на корисници на социјална помош и деца на корисници на надомест по основ на технолошки вишок кај кои вкупните приходи во семејството се до нето минималната плата утврдена во Република Северна Македонија,  добиваат по 5 бодови.

За награди освоени на државно ниво ќе се признаваат само награди доделени од акредитирани здруженија на наставници од страна на Министерството за образование и наука кои организираат натпревари на ученици. Под меѓународен натпревар се подразбира меѓусебен натпревар помеѓу ученици од најмалку десет различни држави.

 

II. НАЧИН И РОК НА ПРИЈАВУВАЊЕ

Учениците кои ги исполнуваат условите од конкурсот пополнуваат електронска пријава и ја прикачуваат соодветната документација на  http://e-uslugi.mon.gov.mk, а доколку немаат можност електронски да аплицираат, пополнуваат хартиена пријава (евидентен лист) и ја доставуваат потребната документација по конкурсот во Министерството за образование и наука. од 01.09.2021 до 15.09.2021 година, од 08-16 часот.

Потребните документи за доставување се следните:

  1. Евидентен лист, само за кандидатите што ќе аплицираат хартиено;
  2. Потврда дека е редовен ученик во учебната 2021/2022 година;

3. Заверени на нотар фотокопии од свидетелствата за завршени претходни години на образованието (кандидатите од I година доставуваат свидетелства од VI-IX одделение); (кандидатите кои аплицираат електронски, да прикачат скенирани оригинални свидетелства)

4. Заверени на нотар фотокопии од дипломи за освоени награди на државни и/или меѓународни натпревари; (кандидатите кои аплицираат електронски, да прикачат скенирани оригинални дипломи)

5. Потврди за остварена плата на вработените членови на семејството за месец август 2021 година или доколку за овој месец не е исплатена плата да се достави потврда за последната исплатена плата; за пензионираните членови на семејството да се достави документ за висина на пензија-чек; за разведени родители да се достави доказ за разводот и доколку кандидатот прима алиментација истата да се прикаже како месечен приход; за корисници на социјална помош да доставуваат последно решение или последен чек; за инвалидитет да се достави лекарска белешка; додека за браќа/сестри на кандидатот, кои се ученици/студенти, се доставува потврда од училиштето, односно факултетот или друга институција;

6. Изјава потпишана од родител-старател дека кандидатот не е корисник на друга стипендија, објавена на интернет страницата на Министерството;

7. Изјава потпишана од родител-старател дека доставените документи се вистинити и податоците во нив се идентични со оние податоци внесени во електронската пријава, објавена на интернет страницата на Министерството;

8. Изјава потпишана од родител-старател за обработка на личните податоци на кандидатот и неговото потесно семејство (родители-старатели, браќа, сестри), со која се сложува Министерството за образование и наука по службена должност да ги обезбеди потребните документи од јавни институции со кои има склучено договори за соработка, објавена на интернет страницата на Министерството;

 

Министерството за образование и наука по службен пат, согласно Правилникот за образецот на барањето за сместување во ученички дом и образецот на барањето за доделување стипендија, со потребната документација („Службен весник на Република Северна Македонија” бр.189/16), ќе го обезбеди следниот документ:

-Уверение од Управата за јавни приходи, за остварени годишни приходи по разни основи за претходната година (приходи од самостојна дејност, приходи од вршење земјоделска дејност, приходи од имот и имотни права, приходи од капитал, капитални добивки, добивки од игри на среќа и други наградни игри, други приходи) за двајцата родители – старатели, брат/сестра на кандидатот

-Потврда дека се невработени или примаат/не примаат паричен надоместок невработените членови на потесното семејство од Агенцијата за вработување на Република Северна Македонија;

-Извод на родени за брат/сестра под 6 годишна возраст, како и извод на умрените за починат родител од Управата за водење на матични книги;

-Уверение за државјанство на Република Северна Македонија од Министерството за внатрешни работи.

 

Кандидатите нема да бидат рангирани ако доставената документација е некомплетна и ненавремено доставена.

 

Списокот со избраните кандидати ќе бидe објавен на 20.10.2021 година на интернет страницата на Министерството.

 

Се задолжуваат сите добитници на стипендии по објавувањето на списокот, а најдоцна до 29.10.2021 година да го потпишат договорот за стипендија со Министерството за образование и наука. Сите кандидати кои нема да го почитуваат овој рок ќе се смета дека се откажуваат од стипендијата. 

 

IV. ВИСИНА НА СТИПЕНДИЈАТА

Висината на стипендијата ќе изнесува 3.500,00 денари месечно и ќе се исплатува во траење од девет (9) месеци.

 

ЗАБЕЛЕШКА: Сите кандидати кои ќе доставуваат документи во хартија задолжително треба да достават и копија од лична трансакциска сметка, во спротивно пријавата нема да биде прифатена.

 

 

 

 

Конкурси

Back to top
Close Offcanvas Sidebar