Светската здравствена организација, како дел од спроведувањето на Глобалната програма на СЗО и УНИЦЕФ за ментално здравје на децата и адолесцентите 2020–2030 и како поддршка на Националниот акциски план за ментално здравје и психосоцијална добросостојба 2025–2030, ја иницираше подготовката на подкаст серијата „Разговори за здравје“.
Епизодите се посветени на актуелни и значајни теми поврзани со менталното здравје кај младите. Може да се гледаат на YouTube каналот на Центарот за семејна медицина:
https://www.youtube.com/channel/UC9r2NoOOUgUy8p8LUtyAKDQ.
Темата на првата епизода е: Значењето на позитивното родителство за менталното здравје кај децата и адолесцентите, а разговорот се води со проф. д-р Марија Ралева,од Експертскиот центар за родителство – Алтернатива.
Во втората епизода, на тема: Училиштето како простор за психолошка поддршка и емоционален развој на децата, во разговорот учествува проф. д-р Ана Фрицханд, од Институтот за психологија на Филозовскиот факултет во Скопје, при Универзитетот „Св. Кирил и Методиј“.
Темата на третата епизода е: Рушење на бариерите – Рана интервенција и поддршка за менталното здравје, а разговорот се води со проф. д-р Насер Дурмиши од Универзитетската Клиника за психијатрија.
