Organizata Botërore e Shëndetësisë, si pjesë e zbatimit të Programit Global të OBSH-së dhe UNICEF-it për shëndetin mendor të fëmijëve dhe adoleshentëve 2020–2030 dhe si mbështetje e Planit Kombëtar të Veprimit për shëndetin mendor dhe mirëqenien psikosociale 2025–2030, filloi përgatitjen e serisë së podkasteve "Biseda rreth shëndetit".

Episodet i kushtohen temave aktuale dhe të rëndësishme që lidhen me shëndetin mendor tek të rinjtë. Мund të shihen në kanalin YouTube të Qendrës për Mjekësi Familjare: https://www.youtube.com/channel/UC9r2NoOOUgUy8p8LUtyAKDQ.

Tema e episodit të parë është: Rëndësia e prindërimit pozitiv për shëndetin mendor të fëmijëve dhe adoleshentëve, ndërsa biseda zhvillohet me Prof. Dr. Marija Raleva, nga Qendra e Ekspertëve për Prindërim - Alternativa.

Në episodin e dytë, me temë: Shkolla si hapësirë për mbështetje psikologjike dhe zhvillim emocional të fëmijëve, në bisedë merr pjesë Prof. Dr. Ana Frichand nga Instituti i Psikologjisë në Fakultetin e Filozofisë në Shkup, pranë Universitetit "Shën Kirili dhe Metodi".

Tema e episodit të tretë është: Thyerja e barrierave-intervenimi i hershëm dhe mbështetja për shëndetin mendor, ndërsa biseda zhvillohet nga Prof. Dr. Naser Durmishi nga Klinika Universitare e Psikiatrisë.