Врз основа на член 189 став 3 од Закон за високото образование („Службен весник на Република Македонија“бр.82/18,178/21 и 58/24) член 1 и член 5 од Правилникот за остварување на правото на еднократна награда за објавување на научен труд и за надомест на средствата платени за објавување на трудови („Службен Весник на Република Северна Македонија“, бр.102/18) и Решението за распишување на повик за надомест на средствата платени за објавување на научни трудови во 2024 година бр.15-3051/1 од 14.02.2025 министерството за образование и наука објавува
ПОВИК ЗА НАДОМЕСТ НА СРЕДСТВАТА ПЛАТЕНИ
ЗА ОБЈАВУВАЊЕ НА НАУЧНИ ТРУДОВИ ВО 2024 ГОДИНА
1. Министерството за образование и наука објавува повик за надомест на средства платени за објавување на научни трудови во списанија со фактор на влијание, реферирани во базите на Web of Science или Scopus од наставниците и соработниците избрани на високообразовните/научните установи во Република Северна Македонија (во натамошниот текст: авторите).
2. Авторите кои платиле средства за објавување на труд во списание индексирано во базите Web of Science или Scopus, поднесуваат барање за надомест на средства до Министерството за образование за наука.
3. Потребни документи за барање на средства платени за објавување на научни трудови за 2024 година се:
- Kопија од објавениот труд од домашен автор во списанија реферирани во базите Web of Science или Scopus;
-Копија од страницата на списанието кадешто е наведен насловот, годината и бројот на списанието, уредувачкиот одбор и издавачот на списанието во кое е објавен трудот;
- Уверение за државјанство на Република Северна Македонија на авторот/авторите
- Потврда за избор во наставно, соработничко или научно звање.
- Копија од фактура, односно уплатница за печатење на трудот, поднесена од страна на субјектот за вршење на научно-истражувачката дејност.
- Изјава за користење лични податоци
4. Повикот трае до 01 април 2025 година.
5. Финансиски средства за оваа намена ќе се обезбедат со средства од Буџетот на Република Северна Македонија.
6. Барањето и потребната пропратна документација за повикот може да се добие во Министерството за образование и наука или на интернет страницата на Министерството ( www.mon.gov.mk).
НАЧИН И РОК НА ПРИЈАВУВАЊЕ
Кандидатите ја пополнуваат електронската пријава и ја прикачуваат соодветната документација на http://e-uslugi.mon.gov.mk. Пријавите се доставуваат исклучиво по електронски пат. Апликацијата е активна до 01 април 2025 година.
Дополнителни информации за повикот можат да се добијат во Министерството за образование и наука на Република Северна Македонија, лице за контакт:
Александар Петров, телефон 02/3140-189 и e-mail: aleksandar.petrov@mon.gov.mk, канцеларија 1405
и Олга Дуковска-Атов телефон 02/3140-185 и
e-mail: оlga.dukovska@mon.gov.mk, канцеларија 1410
