На почетокот на април Твининг проектот спроведе активност во рамките на компонентата 1 за зајакнување на процесот на обезбедување квалитет на образованието и обуката во контекст на доживотното учење. Активноста 1.2.5 беше една од предвидените активности фокусирани на стандардите за занимање во секторот СОО, што произлегуваат од Западен Балкан. Двете експертки: Дариа Дуиловиќ и Тина Шариќ одржаа дводневна работилница за главните трендови во соработката на регионално ниво, примери на регионални стандарди за занимање, методолошки и организациски пристапи при дизајнот и развојот на СОО засновано на компетенции, имплементација на СОО засновано на компетенции, стажирање, како и оценување на компетенциите во СОО засновано на компетенции. Работилницата овозможи размена на знаења, искуства и предизвици поврзани со развивањето и оценувањето на стандардите за квалификации засновани на компетенции во секторот СОО во Западен Балкан.
Фотографии: Дводневна работилница за пристапи при дизајн и развој на СОО засновано на компетенции
Фотографии: Претставници од ЗК ги применуваат презентираните пристапи за дизајн на стандардите за занимање
Третата студиска посета во проектот беше организирана во рамките на компонентата 2, наменета за обезбедување поддршка во понатамошната имплементација и зајакнати капацитети на Националната рамка на квалификации во согласност со рамката за обезбедување квалитет. Студиската посета се одржа во Франција од 24 до 28 април 2023 г. Делегацијата од ЗК ја сочинуваа 5 претставници од Секторот за високо образование, Одделението за НРК, Секторот за меѓународна соработка и Секторот за европски прашања во Министерството за образование и наука, како и претставник од Одделението за обезбедување квалитет во Центарот за стручно образование и обука (ЦСОО).
Со оглед на тоа што темата на студиската посета беше од областа на системот за обезбедување квалитет, делегацијата го посети Високиот совет за евалуација на истражувањата и високото образование (Hcéres), Националното тело за финансирање и регулирање на стручните обуки и стажирања (France Compétences), Министерството за високо образование и истражување (MESR), светски познатото училиште за кулинарство и угостителство Феранди Париз, Стопанската и индустриска комора (Paris Ile de France) и Универзитетскиот институт за технологија (IUT). Претставниците од ЗК се запознаа со организацијата и ресурсите на Hcéres, како и со методологијата за евалуација и акредитација на високообразовните институции и нивните програми. Тие исто така дискутираа за француските искуства во однос на развојот на системот на квалификации и стандардите за квалификации, оценувањето на формалните програми за СОО, како и екстерното оценување на институциите за СОО. Посетата на Министерството за високо образование и истражување (MESR) овозможи подобар увид во процесите за развивање на наставната програма за високо образование, имплементацијата на кредит-системот и акредитацијата на студиските програми. Во продолжение на тоа, обиколката на Феранди Париз беше исто така вредно искуство за делегацијата, како и посетата на Стопанската и индустриска комора. Универзитетскиот институт за технологија овозможи виртуелна обиколка на еден IUT (предавања, лаборатории, студентски капацитети) и обезбеди детални информации за обезбедување квалитет и за соработката со работодавачите со цел исполнување на потребите на пазарот на труд.
Фотографии: Делегацијата од ЗК споделува искуства со своите француски колеги во институциите што ги посети
Овој билтен е изработен со поддршка на Европската Унија. Содржината е одговорност само на Твининг проектот и никако не ги одразува ставовите на Европската Унија.
