Министерството за образование и наука споделува информација за повик за Наградата за иновации во глобалната безбедност ( Prize for Innovation in Global Security) за 2025 година, кој го објавува Центарот за безбедносни политики во Женева ( Geneva Centre for Security Policy- GCSP).
Добитникот на првото место ќе добие награда од 10.000 CHF и сертификат за извонредност. Поднесените предлози за проекти и трудови треба да ги надминуваат националните граници по обем или концепт и да третираат глобални безбедносни предизвици и прашања на иновативен начин. Поднесените проекти/трудови на конкурсот се отворени за сите научни полиња и може да вклучуваат технолошки и концептуални иновации, истражувања и иницијативи од различна природа и тематика.
Рокот за аплицирање е до 25 септември, 2025 година, а победниците ќе бидат соопштени во ноември, 2025 година.
Повеќе информации околу повикот за аплицирање и наградата се дадени на веб страницата на GCSP на следниот линк:
https://www.gcsp.ch/events/apply-2025-gcsp-prize-innovation-global-security
