Амбасадата на Швајцарија во Скопје известува дека Сојузната комисија за стипендии за странски студенти на Владата на Швајцарија ќе додели 10-15 стипендии за студенти од државите во Централна и Источна Европа и од Кавказ за академската 2026-2027 година.
Стипендиите се наменети за млади, висококвалификувани дипломирани студенти од сите области, со можност истите да го продолжат школувањето на докторски и пост-докторски студии на некои од државните универзитети или признаени институции во Швајцарија (Швајцарските кантонални универзитети, Универзитетите за применети науки, на двата Федерални институти за технологија, како и на четирите Институти за истражување).
Достапни се три вида стипендии:
- Истражувачки стипендии;
- Докторски стипендии;
- Пост-докторски стипендии.
Понудата не вклучува стипендии за додипломски и магистерски и студии.
Подетални информации за трите вида стипендии, важечки за македонските студенти, може да се најдат на линкот на државниот Секретаријат за образование, истражување и иновации:
https://www.sbfi.admin.ch/en/swiss/-government-excellence-scholarships.
Од оваа година пријавите треба да бидат поднесени преку GO ESKAS (grants online ESKAS).
Инструкции за пријавување може да се добијат на следниот линк: https://www.sbfi.admin.ch/en/swiss/-government-excellence-scholarships-at-a-glance.
Крајниот рок за пријавување е 10 ноември 2025 година.
