Министерка за образование и наука

 

Министерка за образование и наука

 

Мила Царовска

Mила Царовска е именувана за министерка за образование и наука на 30ти август 2020 година. Во претходните 8 месеци беше заменичка на претседателот на Владата задолжена за економски прашања и координација со економските ресори, функција на која беше именувана на 4-ти јануари 2020 година, додека во периодот од 1-ви јуни 2017 година до 3-ти јануари 2020 година ја извршуваше функцијата министерка за труд и социјална политика.

Дипломирала на Филозофскиот Факултет при Универзитетот „Св. Кирил и Методиј“ во Скопје, на Институтот за социјална работа и социјална политика.

Мила Царовска беше специјален советник во кабинетот на министерката за труд и социјала Фросина Ременски.

Како докажан професионалец во својата област на делување, Царовска својата професионална кариера и доозбразование ги гради низ годините на бројни работни позиции и искуства кои вклучуваат директна комуникација со општествено ранливи и социјално загрозени категории на граѓани. Нејзиното менаџерско учество во десеттици проекти од сферите на социјалната политика, опфаќаат различни категории граѓани како Роми, млади, зависници и покрива теми како што се домашното насилство, сексуални права, образование на ранливите групи итн.

Поради своето богато работно искуство, Царовска е ангажирана во дванаесетина  домашни и меѓународни организации како експерт од својата област.

Царовска поради својата посветеност на  социјалната работа се здобива и со повеќе од 24 сертификати од домашни и меѓународни институции, како доказ за нејзината посветеност и преданост на проблематиката од социјалната сфера.

Родена е во 1984 година.

[ 8913 ]