Акциите „Марија Склодовска - Кири“ (Maria Sklodowska - Curie Actions, MSCA - МСКА) се дел од Хоризонт Европа, како водечка програма за финансирање на Европската Унија за докторско и постдокторско образование (https://marie-sklodowska-curie-actions.ec.europa.eu/).
Акциите „Марија Склодовска-Кири“ финансираат одлични истражувања и иновации и им помагаат на истражувачите во сите фази од нивната кариера во стекнување на нови знаења и вештини, преку мобилност во други земји и изложеност на различни сектори и дисциплини. МСКА помага во градењето на капацитетот на Европа за истражување и иновации преку инвестирање во долгорочните кариери на исклучителни истражувачи.
МСКА, исто така, финансира развој на програми за докторска и постдокторска обука и колаборативни истражувачки проекти низ целиот свет. Со тоа, се постигнува структурно влијание врз високообразовните институции, истражувачките центри и неакадемските организации.
МСКА промовира извонредност и поставува стандарди за висококвалитетно образование и обука на истражувачи во согласност со Европската повелба за истражувачи и Кодексот на однесување за регрутирање истражувачи.
Принципите што лежат во основата на програмата се:
Извонредност - MSCA поддржува одлични истражувачи. Преку нив се поттикнува извонредност во научно-истражувачките соработки, иновациите, трансферот на знаење, методологиите и содржината, како во самата обуката и образовен процес, така и во менторирањето и водење на инстражувачите низ нивниот кариерен пат.
Мобилност - МСКА ја поддржува мобилноста на истражувачите меѓу земјите, секторите и дисциплините за стекнување нови знаења, вештини и компетенции.
Од долу нагоре и отворени кон светот - МСКА е отворена за сите области на истражување и иновации и се поттикнува меѓународната соработка за воспоставување стратешки соработки.
Конкурентност, услови за работа и инклузивност – МСКА ги промовира принципите на Европската повелба за истражувачи кои го поткрепуваат развојот на привлечни истражувачки кариери за поддршка на извонредноста во истражувањето и иновациите низ цела Европа.
Ефективно менторирање и кариерно водство – МСКА промовира ефикасен надзор и соодветно менторство и кариерно водство. Ова придонесува за создавање поддржувачка средина за истражувачите да работат во соодветни услови.
Отворена наука и одговорно истражување и иновации - МСКА поддржува отворена наука и одговорно истражување и иновации.
Видови акции и финансирање од MSCA
Doctoral Networks (DN) - Докторски мрежи
Поддршка на програми за обука на докторски кандидати во академски и неакадемски организации.
Rules and requirements for the Doctoral Networks action
Postdoctoral Fellowships (PF) - Постдокторски стипендии
Поддршка на кариерните перспективи и извонредноста на постдокторските истражувачи.
Postdoctoral Fellowships and who can apply for them
Staff Exchanges (SE) - Размени на персонал
Поттикнување на соработка меѓу организациите преку размена на персонал.
How to apply for Staff Exchanges action
COFUND
Кофинансирање на регионални, национални и меѓународни програми.
Full details of the COFUND action
MSCA and Citizens – МСКА и граѓани
Доближување на истражувањата и истражувачите до пошироката јавност.
Learn what MSCA and Citizens is and does
Choose Europe for Science - Изберете Европа за наука
Поддршка на атрактивни и одржливи истражувачки кариери во Европа за врвни таленти.
Discover the details of the Choose Europe for Science action
Повеќе информации:
Национално контакт лице (NCP) за МСКА -
Проф. д-р Александра Мартиновска Стојческа (amartinovska@fznh.ukim.edu.mk)
