Врз основа на Решението за исправка на Конкурсот за доделување на стипендии за студии од трет циклус во земјата за академската 2025/2026 година со број: 15-2987/1 од 18.02.2026 година, Министерството за образование и наука објавува
Исправка
на Конкурсот за доделување на стипендии за студии од трет циклус во земјата за академската 2025/2026 година
Во Конкурсот за доделување на стипендии за студии од трет циклус во земјата за академската 2025/2026 година, објавен на ден 09.12.2025 година, се врши следната ИСПРАВКА:
Во главата II, Потребни документи, во точката 2 зборовите, „Диплома за завршени академски студии од прв циклус и втор циклус и уверение за постигнат успех (заверени на нотар) или нострифицирана диплома за академски студии од втор циклус стекнати во странство“, се заменуваат со зборовите „Диплома за завршени академски студии од прв и втор циклус, или уверение за постигнат успех (заверени на нотар) или нострифицирана диплома за академски студии од втор циклус стекнати во странство“.
Во главата V. Начин и рок на пријавување зборовите: „Конкурсот ќе трае од денот на објавување заклучно со 20.02.2026 година“ се заменуваат со зборовите „Конкурсот ќе трае од денот на објавување заклучно со 02.03.2026 година“.
Оваа исправка е составен дел на Конкурсот за доделување на стипендии за студии од трет циклус во земјата за академската 2025/2026 година бр.15-15366/1 од 09.12.2025 година и има правно дејство од денот од кој има правно дејство Конкурсот на кој се врши исправката.
Министерство за образование и наука