Европската Унија, Европската комисија и Европскиот истражувачки простор (European Research Area) соочувајќи се со големите општествени, еколошки и економски предизвици креираше нови приоритети како одговор на новите барања. Последните приоритети се содржани во два документи и тоа:
-Пакт за истражување и иновации во Европа
- Агенда на Европската истражувачка област 2025-2027
https://european-research-area.ec.europa.eu/era-actions-2025-2027
Втората Агенда на Европскиот истражувачки простор (ERA Policy Agenda) ги утврдува активностите за Европскиот истражувачки простор (ERA) за периодот од 2025 до 2027 година. Слично како и првата Агенда на Европскиот истражувачки простор за периодот 2022–2024 година, овие активности имаат за цел приоритетните области утврдени со Пактот за истражување и иновации (И&И) во Европа да ги преточат во конкретни активности, обединувајќи ги земјите членки на Европската Унија, земјите асоцирани во програмата „Хоризонт Европа“, засегнатите чинители во областа на истражувањето и иновациите, како и Европската комисија, со цел реализација на Европскиот истражувачки простор.
Новата Агенда на Европската истражувачка област 2025-2027 и Пактот за истражување и иновации во Европа се реализира преку 8 акции преку кои се придонесува во имплементација на европските политики и приоритетните цели.
Министерството за образование и наука објавува јавен повик за сите истражувачи од јавните универзитети и јавните научни установи кои се заинтересирани да учествуваат во следниве ЕРА акции:
1. Applying equity in open science
2. Advancing the European Science for Policy (S4P) ecosystem
3. Facilitating and accelerating the responsible use of AI in science in the EU
4. Enhancing research security
5. Accelerating R&I investments for Europe’s industrial transformation and competitive sustainability
6. Accelerating new approach methodologies (NAMs) to advance biomedical research and testing of medicinal products and medical devices
7. Developing a coherent and coordinated framework for a European approach to integrity and ethics in R&I in the face of emerging challenges
8. Empowering R&I: A new era in research management
1. Заинтересираните кандидати треба да достават:
-Кратка биографија со фокус на областа од интерес
-Меѓународно искуство во областа од интерес (учество во меѓународни проекти, конференции и сл.)
-Доказ за избор во наставно-научно звање
-Кратко резиме со предлози за унапредување и хармонизирање на националните политики во областа од интерес
2. Учеството на избраните номинирани лица од страна на Министерството за образование и наука на состаноците на ЕРА акциите ќе се одвива со комбиниран пристап и тоа со примена на средства за електронска комуникација на некоја од достапните комуникациски платформи дадени од организаторот или со физичко присуство.
3. Начин на аплицирање:
Апликацијата се пополнува електронски на порталот https://e-uslugi.mon.gov.mk во менито конкурси – наука каде се прикачува и соодветната документација.
Јавниот повик трае 10 (десет) дена почнувајќи од денот на објавување на веб страната на Министерството за образование и наука.