1. Предмет на Јавниот повик:
Со овој јавен повик се повикуваат заинтересирани државни средни училишта регионални центри за стручно образование и обука, јавни установи за основно и средно образование и комори да поднесат барање за акредитација на понудувач на услуги во рамки на системот за валидација на неформално образование и икуствено (информално) учење (ВНОИУ) за квалификациите:
Сектор хемија и технологија
· Производител на млечни производи;
· Пекар;
· Изработувач на пица.
Сектор Електротехника и информатички технологии
· Администратор на веб страница;
· Електричар;
· Автоелектричар.
Сектор земјоделство, рибарство и ветеринарство
· Управувач со трактор;
· Пчелар.
Сектор угостителство и туризам
· Слаткар;
· Бариста;
· Готвач.
Сектор лични и други услуги
· Фризер;
· Естетичар за нега на раце и нозе.
Сектор машинство
· Инсталатер за греење и климатизација;
· Инсталатер на цевководи;
· Машински механичар;
· Автомеханичар.
Сектор градежништво и геодезија
· Поставувач на подови и плочки;
· Ѕидар – фасадер;
· Монтер на сува градба.
2. Услови за акредитација на понудувач на услуги
Понудувачот на услугa за валидација може да го спроведува процесот на валидација доколку има простор, опрема и кадар соодветен за спроведување на процесот на валидација за конкретната квалификација, согласно поднесеното барање за акредитација на понудувачи на услуги за валидација до Центарот.
Напомена: Барањето за акредитација се поднесува одделно за секоја квалификација за која понудувачот бара да биде акредитиран. Едно барање со целокупната пропишана документација, се однесува исклучиво на една квалификација. Доколку понудувачот бара да биде акредитиран за повеќе квалификации, за секоја од нив поднесува посебно барање со комплетна документација.
Кон барањето за акредитација на понудувач на услуга за валидација, се доставуваат следните документи:
- барање за акредитација на понудувач на услуга за валидација по јавен повик бр. 2 .
- решение за акредитирани јавна установа за основно или средно образование;
- доказ за регистрирана дејност;
- елаборат на установата;
- податоци за простор и опрема за соодветната квалификација за валидација;
- податоци за вработено/ангажирано лице од редот на лицата запишани во Каталогот за сертифицирани советници за валидација;
- податоци за вработено/ангажирано лице од редот на лицата запишани во Каталогот за сертифицирани проценувачи за валидација, за соодветни квалификации од точка 1:
- статут на установата,
- изјава за безбедност за секое работно место согласно потребите на соодветната квалификација и
- уплатница за извршена уплата на трошоците за проверка на исполнетоста на условите за акредитација на сметка на Центарот за образование на возрасните.
3. Трошоци
Трошоците за акредитација на понудувач на услугa за валидација изнесува 7.500,00 денари.
Надоместокот се уплаќа на следната трансакциска сметка на Јавната установа Центар за образование на возрасни:
Назив на примач: ЈУ Центар за образование на возрасни
Сметка на корисник: 160016142578719
Приходна шифра: 723119 програма 33
Назнака: надоместок за обука на советници за валидација (ВНОИУ)
4. Времетраење на јавниот повик
Јавниот повик трае 10 (десет) дена од денот на неговото објавување на интернет страницата на Центарот https://www.cov.gov.mk / и Министерство за образование и наука https://www.mon.gov.mk/
Пријавите со потребната документација заинтересираните лица да ја достават на следната:
- адреса: До ЈУ Центар за образование на возрасните – Скопје ул. Димитрие Чуповски бр.13 1000, Скопје
со назнака: За јавен повик бр.2/2026 за акредитација на понудувач на услуга за валидација по јавен повик бр. 2
Некомплетирани и ненавремени доставени документи нема да бидат земени во постапка за одлучување
Публикуван на: 24.08.2026 година
Прием на апликации до: 02.09.2026 година
Овој Јавен повик се објавува на веб-страницата на ЈУ Центар за образование на возрасните – Скопје https://www.cov.gov.mk/