Maqedonia dhe Turqia do ta thellojnë bashkëpunimin e tyre të ndërsjellë në fushat e arsimit, shkencës, teknologjisë dhe inovacioneve. Së shpejti do të nënshkruhet Protokoll bashkëpunimi, i cili do të përmbajë aktivitete konkrete që të dyja shtetet do t’i realizojnë së bashku.
Në takimin e sotëm ndërmjet përfaqësuesve të Ministrisë së Arsimit dhe Shkencës së Maqedonisë, të kryesuar nga zëvendësministri Prof.Dr. Lulzim Aliu, dhe delegacioni nga Ministria e Arsimit Kombëtar të Turqisë, të kryesuar nga Unal Erjilmaz – drejtor i përgjithshëm për BE dhe marrëdhënie të jashtme, u diskutua për definimin e dispozitave në protokoll.
Të dyja palët i prezentuan interesat dhe prioritetet e tyre, ndërsa pritet që dokumenti të përgatitet dhe të miratohet deri në fund të vitit.