Pas krijimit të kornizës ligjore për futjen e arsimit formal në institucionet shëndetësore, ekip ekspertësh nga Ministria e Arsimit dhe Shkencës, Ministria e Shëndetësisë dhe OJQ SANO përgatiti manual për mësimdhënësit për përfshirjen e nxënësve që janë në trajtim të gjatë spitalor në mësimdhënie.
Manuali është i disponueshëm në linkun e mëposhtëm dhe në të janë të përmendura hapat konkretë për integrimin e suksesshëm në mësimdhënie të nxënësve që mungojnë nga klasa për më shumë se tre javë për shkak të arsyeve shëndetësore. Mësimdhënësit marrin udhëzime për përcaktimin e llojit të mësimdhënies në të cilin do të përfshijnë nxënësin, planifikimin dhe realizimin e mësimit, mbajtjen e evidencës pedagogjike, si dhe ndjekjen dhe vlerësimin e arritjeve të nxënësit. Janë theksuar gjithashtu shembuj konkretë për mundësimin e vazhdimësisë së arsimit për nxënësin që nuk e ndjek mësimin me prani fizike për arsye të justifikuara.
Për më tepër, është përgatitur edhe broshurë me këshilla të dobishme për mësimdhënësit, nxënësit dhe familjet e tyre. E disponueshme në linkun në vazhdim.
Rikujtojmë se në vitin e ri shkollor, konform ndryshimeve të bëra në kuadër të rregullativës ligjore, varësisht gjendjes shëndetësore, nxënësit mund të përfshihen online në mësimdhënien e klasës së tyre, të organizohet mësim individual sipas programit të përshtatur mësimor, ose, përmes komunikimit asinkron, të marrin materiale dhe të zgjidhin detyrat e shtëpisë. Përgjegjëse për zbatimin e kësaj mase sistemike janë shkollat fillore ku janë të regjistruar nxënësit që po i nënshtrohen trajtimit spitalor.
Mësimdhënësi dhe nxënësi i përdorin mjetet e zakonshme digjitale të cilat përdoren në procesin e rregullt arsimor, si për shembull platformën EDUINO dhe platformën për tekstet mësimore digjitale interaktive. Shkolla ku është i regjistruar nxënësi mund t’i ndajë pajisje elektronike nga fondi i tabletëve kompjuter me të cilat diponon, nëse kjo është e nevojshme.
Asnjë fëmijë nuk duhet të privohet nga arsimi vetëm për shkak se po mjekohet. Sëmundja nuk do të thotë izolim, ndërprerje apo harresë. Përkundrazi-sëmundja është sfidë, dhe ne, si shoqëri, u detyrohemi atyre mbështetje, strukturë dhe shpresë. Me investimin në dijen e tyre, investojmë në një të ardhme më të drejtë, më empatike dhe më të fortë!