Presidentja e Maqedonisë, Prof.Dr. Gordana Siljanovska Davkovka, ministrja e Arsimit dhe Shkencës, Prof.Dr.Vesna Janevska dhe drejtori i City College në Selanik, Janis Ververidis, 20 qytetarëve të Maqedonisë sot u ndanë bursat „Boris Trajkovski“ për studime dyvjeçare të ciklit të dytë në kuadër të Programit Pan-Evropian Ekzekutiv MBA në Kampusin Evropian të Universitetit të Jorkut CITY College në Selanik.
Në fjalimin e saj në ceremoni, ministrja Janevska rikujtoi se tradita e ndarjes së këtyre bursave në nder të presidentit të ndjerë tragjikisht Boris Trajkovski vazhdon prej 22 vitesh dhe se edhe këtë herë ajo pret të krijojë brez të ri të studentëve të diplomuar nga një institucion i njohur i arsimit të lartë, të cilët do të forcojnë potencialin e burimeve njerëzore të vendit dhe do të kontribuojnë në zhvillimin e tij.
“ Бesojmë në suksesin tuaj, sepse të gjithë ju deri tani nuk jeni arritur këtu pa mjaft entuziazëm dhe punë të palodhur. Prandaj, kjo bursë vjen si njohje për përpjekjet tuaja, talentin dhe potencialin që e keni në vetvete. Kjo është shtysë që të vazhdoni të ecni guximshëm përpara, të hulumtoni, krijoni, mësoni dhe të kaloni kufijtë e mundësive," tha Janevska.
Ministrja i këshilloi bursistët që të mos e harrojnë prej nga vijnë dhe kush i ka mbështetur për të arritur qëllimin dhe për të fituar diplomë të dyfishtë me nënshkrim nga Universiteti i Jorkut dhe nga Fakulteti për Ekonomi dhe Menaxhment i Universitetit të Strasburgut.
Mbani mend se ju ka mbështetur vendi juaj, Maqedonia, dhe kthejeni këtë mbështetje duke investuar njohurit tuaj në të. Sepse, kur e investoni dijen në atdhe, nuk ndërtoni vetëm vend më të bukur-por ndërtoni edhe të ardhme më të bukur për ju, për ne dhe për të gjithë ata që do të vijnë pas nesh," theksoi Janevska.
Studimet realizohen në Selanik, Greqi, me vizita studimore në Universitetin e Jorkut në Mbretërinë e Bashkuar dhe në Universitetin e Strasburgut, Francë. Tarifat e shkollimit sigurohen nga Qeveria e Maqedonisë, nëpërmjet Ministrisë së Arsimit dhe Shkencës dhe City College.