Projekti për ndërtimin dhe pajisjen e sallave sportive shkollore dhe rehabilitimin e shkollave fillore dhe të mesme në Republikën e Maqedonisë së Veriut, i cili realizohet në kuadër të Ministrisë së Arsimit dhe Shkencës, ka për qëllim sigurimin e kushteve më të mira për realizimin e mësimit, si dhe avancimin e sportit shkollor, shëndetit dhe zakoneve të shëndetshme të nxënësve. Projekti financohet me mjete nga Buxheti i Republikës së Maqedonisë së Veriut dhe nga Banka për Zhvillim pranë Këshillit të Evropës.
Ministria e Arsimit dhe Shkencës ka nevojë për angazhimin e 1 (një) personi në njësinë projektuese për implementimin e projektit në pozicionin vijues:
- Supervizor (1 person)
Kriteret minimale të cilat duhet t’i plotësojnë personat për pozitën e lartpërmendur janë si vijon:
1. Supervizor (1 person):
- Arsim i lartë – studime në fushën e arkitekturës me së paku 300 kredi të fituara sipas SETK ose përfundim të nivelit VII/1 (Inxhinier i Diplomuar i Arkitekturës).
- Së paku 5 (pesë) vite përvojë pune në profesion.
- Përvojë në menaxhim me marrëveshjet për realizim dhe mbikëqyrje të ndërtesave publike.
- Përvojë në menaxhimin ose realizimin e marrëveshjeve për ndërtim, mbikëqyrje të ndërtimit, projektim dhe revizion të shkollave dhe/ose objekteve të tjera shkollore do të konsiderohet përparësi.
- Njohja e gjuhës angleze (me shkrim dhe me gojë).
- Puna me kompjuter (MS Office dhe AutoCAD).
- Patentë shoferi i kategorisë B.
Krahas kritereve të përmendura për pozicionin, kandidatët e përzgjedhur duhet të posedojnë aftësitë e mëposhtme:
- Qasje e lartë profesionale;
- Aftësi të shkëlqyera komunikuese, organizative dhe analitike;
- Aftësi për punë në ekip, përmbushje të detyrave dhe përkushtim ndaj obligimeve të punës;
- Proaktivitet dhe aftësi për zgjidhjen e problemeve;
- Aftësi për menaxhimin e kohës, prioriteteve dhe punë nën presion.
Personat/kandidatët e interesuar duhet të dorëzojnë fletëaplikim i cili përmban:
· biografi të shkurtër në gjuhën maqedonase (CV); dhe
· letër për shprehje të interesit në gjuhën maqedonase.
Biografi të shkurtër (CV) duhet patjetër të përmbajë të dhëna për numrin e krediteve SETK të fituara për arsimin ose për shkallën e arsimit të përfunduar.
Me kandidatët që përmbushin kriteret minimale, Ministria e Arsimit dhe Shkencës do të caktojë intervistë.
Fletëplikimet e paplotësuara, si dhe fletëaplikimet nga persona/kandidatë që nuk i plotësojnë kërkesat minimale të kësaj shpallje, do të refuzohen.
Fletëaplikimet duhet të dorëzohen më së voni deri më 31.12.2025 në e-mail: andrej.leonidov@mon.gov.mk