Ministrja e Arsimit dhe Shkencës Prof. Dr. Vesna Janevska u takua me ambasadorin e Republikës së Italisë, N.E. Andrea Silvestri ku diskutuan për bashkëpunimin mes dy vendeve në fushën e arsimit dhe shkencës. Bashkëbiseduesit shprehën kënaqësinë për marrëdhëniet e mira dypalëshe, por edhe gatishmërinë për të inicuar nisma të reja.
Janevska e njoftoi ambasadorin për ndryshimet e iniciuara prioritare në arsimin fillor dhe të mesëm, si dhe për aktivitetet që do të pasojnë sipas programit të punës së MASH-it dhe Qeverisë.
Temë e diskutimit ishte mundësia që kanë nxënësit në Maqedoni për të mësuar gjuhën italiane si lëndë e dytë me zgjedhje në arsimin fillor dhe të mesëm, si dhe përpjekjet për zgjerimin e të mësuarit të kësaj lënde, për të cilën do të realizohen takime me Shoqatën e mësimdhënësve të gjuhës italiane.