“Kthesa magjike – ‘Çfarë mësove?’ apo ‘Çfarë përfituar?’” ishte temë e panel-diskutimit që u mbajtë sot në Kumanovë, në kuadër të fushatës kombëtare “Magjia është në dijen” të Ministrisë së Arsimit dhe Shkencës. Panelistët diskutuan për rëndësinë që notat të mos shihet si qëllim përfundimtar dhe i vetmi, por si mjet që ndjek dhe inkurajon përparimin e nxënësve.
Sekretari shtetëror në Ministrinë e Arsimit dhe Shkencës, Elena Ivanovska, theksoi se koha e re kërkon mënyra të reja të të mësuarit dhe vlerësimit, të cilat inkurajojnë dijen e vërtetë, kreativitetin dhe zhvillimin personal të çdo fëmije.
“Arsimi duhet të ecë përpara me shpirtin e kohës. Në vend që të fokusohemi vetëm te numrat në ditar, duhet të përqendrohemi tek ajo që nxënësi ka mësuar vërtet, çfarë ka kuptuar dhe si e aplikon atë dijeni. Qëllimi ynë është avancimi dhe fuqizimi i sistemit që vlerëson përpjekjen, përparimin dhe kuriozitetin, sepse ato janë themeli i arsimit cilësor dhe i të ardhmes së shoqërisë sonë”, deklaroi Ivanovska.
Millka Trimçevska, Drejtore e Byrosë për Zhvillimin e Arsimit, theksoi se mësimdhënësit janë inkurajuesit kryesor të çdo ndryshimi pozitiv në shkolla dhe shtoi se diskutime të tilla inkurajojnë shkëmbimin e mendimeve dhe përvojave që mund t'i ndihmojnë mësimdhënësit të njohin më mirë potencialin e secilit fëmijë.
Në panel-diskutim mori pjesë edhe drejtori i ShMK “Sami Frashëri” - Kumanovë, Nagri Rexhepi, i cili theksoi se shkollat nuk duhet të përqendrohen vetëm te notat e larta, por te përparimi individual i secilit nxënës. Sipas mësimdhënëses Hillda Dimitrievska nga ShFK “Kërste Misirkov”, mbështetja dhe inkurajimi janë po aq të rëndësishme sa vetë nota, ndërsa mësimdhënësja Daniella Stojanovska nga ShFK “Hristijan Karposh” iu referua nevojës që shkolla të krijojë mjedis në të cilin nxënësit mund të mendojnë lirshëm, të parashtrojnë pyetje dhe të zhvillojnë të menduarit kritik, sepse pikërisht kjo çon drejt dijes së vërtetë dhe të qëndrueshme.
Ivan Nacevski, prind i nxënësit, theksoi se prindërit kanë rol të rëndësishëm në mënyrën se si fëmijët e përjetojnë procesin e vlerësimit, dhe deklaroi se kur ndërtohet besimi dhe mbështetja, nota bëhet inkurajim për rezultate më të mira, e jo shkak për presion.
Ngjarja është pjesë e serisë së panel-diskutimeve që organizohen në kuadër të fushatës “Magjia është në dijen”, e cila ka për qëllim të theksojë rolin e mësimdhënësve në arsimin bashkëkohor dhe kontributin e tyre në zhvillimin e nxënësve dhe bashkësisë.