Në bazë të nenit 33 paragrafit (2) dhe nenit 60 paragrafit (2) të Ligjit për Mësimdhënësit dhe Bashkëpunëtorët Profesional në Shkollat Fillore dhe të Mesme („Gazeta Zyrtare e Republikës së Maqedonisë së Veriut“ nr. 161/19), Ministria e Arsimit dhe Shkencës shpall
THIRRJE PUBLIKE
për mësimdhënësit e Shkollës së Mesme Komunale
„Gjmnazi i Dytë 7 Marsi“ – Tetovë,
për dorëzimin e kërkesave për avancim në titullin mësimdhënës-mentor
1. Thirrja publike shpallet konform nenit 33 paragrafit (2) dhe nenit 60 paragrafit (2) të Ligjit për Mësimdhënësit dhe Bashkëpunëtorët Profesional në Shkollat Fillore dhe të Mesme („Gazeta Zyrtare e Republikës së Maqedonisë së Veriut“ nr. 161/19), ndërsa në bazë të Vendimit për dhënien e pëlqimit për Aktvendimin për ndryshimin dhe plotësimin e Aktvendimit për përcaktimin e numrit të mësimdhënësve dhe numrit të bashkëpunëtorëve profesionalë në shkollat e mesme që mund të përfitojnë titullin mësimdhënës-mentor, përkatësisht bashkëpunëtor profesional-mentor („Gazeta Zyrtare e Republikës së Maqedonisë së Veriut“ nr. 270/25).
2. Numri i mësimdhënësve që mund të përfitojnë titullin mësimdhënës-mentor në ShMK„Gjmnazi i Dytë 7 Marsi“ – Tetovë përcaktohet, si vijon:
|
Nr. rend |
komuna |
shkolla |
numri i mësimdhënësve-mentorë |
|
1 |
Tetovë |
ShMK „Gjmnazi i Dytë 7 Marsi“ |
1 |
3. Mësimdhënësi mund të dorëzojë kërkesë për avancim në titullin mësimdhënës-mentor nëse:
-ka të paktën shtatë vjet përvojë pune si mësimdhënës,
-është i punësuar me kohë të pacaktuar dhe
-plotëson standardet profesionale për mësimdhënës-mentor.
4. Kërkesa për avancim në titullin mësimdhënës-mentor dorëzohet deri te Ministria e Arsimit dhe Shkencës përmes aplikacionit elektronik në faqen e internetit të Ministrisë në linkun: karierenrazvoj.mon.gov.mk
5. Kërkesa nga pika 4 plotësohet në aplikacionin elektronik në ueb faqen e Ministrisë së Arsimit dhe Shkencës karierenrazvoj.mon.gov.mk dhe përmban të dhënat e mëposhtme:
- emri dhe mbiemri i parashtruesit të kërkesës;
- shkolla ku punon dhe komuna;
- vendi i punës ku është i punësuar me kohë të pacaktuar (dëshmi: Aktvendim për sistemim në vend të punës);
- titulli për të cilin aplikon;
- përvoja e punës (dëshmi: raport nga Fondi i Sigurimit Pensional dhe Invalidor i Republikës së Maqedonisë së Veriut për realizimin e përvojës së periudhën të mësimdhënësit);
- lloji i arsimit të përfunduar (dëshmi: diplomë ose certifikatë për arsim të përfunduar ose kopje e vërtetuar në noter);
- trajnime, konferenca shkencore-profesionale, kongrese, simpoziume, autorësi, pjesëmarrje në aktivitete për përmirësimin e mësimdhënies si dhe çmime dhe mirënjohje;
- praktikë profesionale për kompetencat e fituara.
6. Parashtruesi i kërkesës bashkangjitë dëshmi përkatëse, në formë elektronike, në aplikacionin elektronik https://karierenrazvoj.mon.gov.mk në ueb faqen e Ministrisë së Arsimit dhe Shkencës, për të dhënat nga pika 5, alinea 3, 5, 6, 7 dhe 8.
7. Nëse kërkesa nga pika 4 dhe 5 është dorëzuar pa dokumentacionin e plotë, parashtruesi i kërkesës njoftohet dhe është i obliguar ta plotësojë dokumentacionin brenda afatit prej shtatë ditësh nga dita e pranimit të njoftimit.
8. Kërkesa për avancim në titullin mësimdhënës-mentor dorëzohet më së voni deri më 23 janar 2026. Çdo kërkesë e dorëzuar pas kësaj date nuk do të shqyrtohet dhe nuk do të rangohet.
MINISTRIA E ARSIMIT DHE SHKENCËS