Ambasada e Zvicrës në Shkup njofton se Komisioni Federal për Bursa për Studentë të Huaj i Qeverisë Zvicerane do tëndajë 10-15 bursa për studentë nga vendet e Evropës Qendrore dhe Lindore dhe nga Kaukazi për vitin akademik 2026-2027. Bursat janë të destinuara për studentë të rinj, të diplomuar me kualifikim të lartë nga të gjitha fushat, me mundësi për të vazhduar studimet e tyre të doktoraturës dhe post-doktoraturës në disa nga universitetet shtetërore ose institucionet e njohura në Zvicër (Universitetet Kantonale Zvicerane, Universitetet e Shkencave të Aplikuara, dy Institutet Federale të Teknologjisë, si dhe katër Institutet Kërkimore).
Janë në dispozicion tre lloje bursash:
- Bursa kërkimore;
- Bursa doktorature;
- Bursa postdoktorature.
Oferta nuk përfshin bursa për studime universitare dhe të magjistraturës
Informacione më të hollësishme për tri llojet e bursave, të vlefshme për studentët maqedonas, mund të gjeni në linkun e Sekretariatit Shtetëror për Arsim, Kërkim dhe Inovacion:
https://www.sbfi.admin.ch/en/swiss/-government-excellence-scholarships.
Nga ky vit, aplikimet duhet të dorëzohen përmes GO ESKAS (grants online ESKAS). Udhëzimet për aplikim mund ti shkarkoni në linkun vijues : https://www.sbfi.admin.ch/en/swiss/-government-excellence-scholarships-at-a-glance.
Afati i fundit për aplikim është deri më 10 nëntor të vitit 2025.