Programi Stipendium Hungaricum për vitin akademik 2026/2027 për kandidatët nga Republika e Maqedonisë së Veriut ndanë gjithsej 20 bursa:
- 7 bursa për studime të plota deridiplomike (BA/BSc), në fushat e: shkencave bujqësore, shkencave shoqërore, shkencave ekonomike, shkencave teknike, shkencave natyrore, shkencave politike dhe administratës publike;
- 7 bursa për studime të plota të magjistraturës (MA/MSc), gjithashtu në fushat e lartpërmendura;
- 2 bursa për studime të integruara të magjistraturës ( (one-tier master - OTM) në fushën e: shkencave mjekësore dhe shëndetësore;
- 4 bursa për studime të plota të doktoratës (PhD/DLA) në çdo fushë;
- studime të pjesshme për të gjitha nivelet dhe fushat e studimit siç janë theksuar më lartë.
Nëse studimet realizohen në gjuhë të huaj, është e nevojshme që kandidatët ta njohin atë gjuhë në nivelin e kërkuar nga institucioni nikoqir (universiteti).
Nëse studimet zhvillohen në gjuhën hungareze, studentët e pranuar gjatë vitit të parë të studimeve duhet detyrimisht të ndjekin kurs të gjuhës hungareze, i cili ofrohet nga universiteti ku do të studiojnë, dhe duhet ta kalojnë provimin në fund të semestrit të dytë.
Të gjitha informacionet më të detajuara për mënyrën, kriteret dhe dokumentet e nevojshme për aplikim, si dhe listën e programeve studimore në universitetet shtetërore hungareze dhe teksti i thirrjes për aplikim (Call for application 2026-2027) mund të gjenden në faqe-web në vijim: https://stipendiumhungaricum.hu/
Kontakt e-mail adresa: stipendiumhugaricum@tpf.hu
Mënyra e aplikimit:
Aplikimi kryhet ekskluzivisht në mënyrë elektronike në ueb faqen e mëposhtme: https://apply.stipendiumhungaricum.hu/
Udhëzimi për aplikimin e kandidatëve mund të shkarkohet nga ueb faqja e mëposhtme:
https://apply.stipendiumhungaricum.hu/news/new/134-call-applications-20262027-academic-year
Sistemi online për parashtrimin e dokumenteve të nevojshme do të jetë i hapur deri më 15 janar 2026, deri ora 14:00 (sipas kohës qendrore evropiane).
Dokumentet që dorëzohen në Ministrinë e Arsimit dhe Shkencës:
- deklaratë (shkarko) (të shkarkohet këtu)
- Kandidatët mund të dorëzojnë dokument për notat e parapara dhe përfundimtare (nëse kanë).
- Kandidatët mund të dorëzojnë dokument për vendin e parë, të dytë ose të tretë të fituar në garë kombëtare ose ndërkombëtare në fushën për të cilën aplikojnë për bursë (nëse posedojnë).
- Kandidatët për bursa të studimeve të doktoratës mund të dorëzojnë dokument për pjesëmarrje në punime shkencore të publikuara (nëse posedojnë);
- Kandidatët mund të dorëzojnë referenca (fletë rekomandimi) nga fusha përkatëse për të cilën aplikojnë (nëse posedojnë).
- Nëse kanë diplomë të huaj të dorëzojnë dokument për ekuivalencë dhe nostrifikimin e saj (mund të dorëzohet në mënyrë shtesë nëse ende janë duke mësuar/studiuar).
- dokument për dhënien e provimit të maturës shtetërore (mund të dorëzohet shtesë);
- Nxënësit dhe studentët e shkollave të mesme dhe universiteteve shtetërore do të kenë përparësi në rangim nga Ministria e Arsimit dhe Shkencës.
- Kandidatët nuk do të rangohen nëse dokumentacioni i dorëzuar nuk është i kompletuar
Deklaratat dhe dokumentacioni, i skanuar në format PDF, duhet të dorëzohet në adresën në vazhdim të e-mail :stipendiumhungaricum@mon.gov.mk jo më vonë se më 15 janar 2026.
Personi kontaktues: Aleksandar Tutnovski tel: 076 485 053