Në bazë të Ligjit për Çmime Shtetërore (“Gazeta Zyrtare e Republikës së Maqedonisë,, nr. 52/2006, 54/07 dhe 74/12), Rregullorja për punën e Këshillit për ndarjen e çmimit “Goce Dellçev” (“Gazeta Zyrtare e Republikës së Maqedonisë nr. 40/09, 25/11, 9/15 dhe 1/16) dhe Procesverbali nga mbledhja e parë e Këshillit e mbajtur më 12.12.2025, Këshilli për ndarjen e çmimeve “Goce Dellçev” shpall
KONKURS
PËR NDARJEN E ÇMIMIT „GOCE DELLÇEV” NË VITIN 2026
Me çmimin “Goce Dellçev” jepet njohje shoqërore për arritje veçanërisht të rëndësishme me interes për Republikën e Maqedonisë së Veriut, në fushën e shkencës.
Çmimi në vitin 2026 ndahet për libër ose vepër shkencore të publikuar në vitin 2025.
Çmimi „ Goce Dellçev” ndahet më 4 Maj- ditën e vdekjes së Goce Dellçevit”.
Çmimi sipas kushteve të përcaktuara me Ligjin për Çmimet Shtetërore (“Gazeta Zyrtare e Republikës së Maqedonisë” nr. 52/2006, 54/07 dhe 74/12) dhe me këtë konkurs ndahet për individë ose grup autorësh nga vendi ose jashtë vendit.
Të drejtë konkurrimi kanë veprat e një autori ose veprat e një grup autorësh që janë publikuar veçmas, të recensuara dhe katalogizuara. Për datën e publikimit llogaritet data që është e shpallur në katalogimin e publikimit (CIP). Të drejtë konkurimi nuk kanë punimet e publikuara në revista profesionale dhe shkencore me faktor ndikimi si dhe kapituj ose pjesë të librave.
Individë ose grup autorësh të njejtë mund të jetë fitues i çmimit në fushën e njejtë vetëm një herë.
Anëtar nga grupi i autorëve mund si individë të jetë fitues i çmimit për libër ose vepër tjetër në fushën e njejtë.
Propozime për ndarjen e çmimit mund të parashtrojnë: institucionet, shoqatat tregtare, shoqatat tjera qytetare dhe qytetarët.
Propozimi për ndarjen e çmimit duhet të arsyetohet dhe të përmbajë: të dhënat personale për autorët, përkatësisht autorët, adresa e vendbanimit, informata kontaktuese, të dhëna bibliografike dhe arsyetim të shkurtër për rëndësinë e realizimit i cili propozohet për çmim. Propozimet për libër ose vepër shkencore të publikuara në gjuhë të tjera duhet të përmbajnë rezime të shkurtër në gjuhën maqedonase ose gjuhën shqipe deri në 3 faqe dhe përmbajtje në gjuhën maqedonase ose gjuhën shqipe.
Propozimi për ndarjen e çmimit duhet të bashkëngjiten në 3 ekzemplarë. Propozimit duhet t’i bashkangjiten së paku 3 ekzemplarë origjinal nga libri shkencor përkatësisht vepra, dhe ekzemplarë në formë elektronike të dorëzuar përmes postës - e.
Propozimet për ndarjen e çmimit duhet të parashtrohen prej më 29.12.2025 deri më 13.02.2026 në adresën :
MINISTRIA E ARSIMIT DHE SHKENCËS
Këshili për Ndarjen e Çmimit „ Goce Dellçev”
Rr. „Shën Kirili dhe Metodi “ nr. 54, 1000 Shkup
adresa- e : olga.dukovska@mon.gov.mk
Propozimet e pakompletuara dhe propozimet të cilët nuk janë dorëzuar në afatin e caktuar nuk do të shqyrtohen:
KËSHILLI PËR NDARJEN E ÇMIMIT „GOCE DELLÇEV”