LULZIM ALIU ka lindur në vitin 1977 në Kërçovë. Shkollimin fillor dhe të mesëm i kryen në vendlindje. Në vitin 1999 në Fakultetin Filologjik në Shkup kryen studimet për gjuhë dhe letërsi shqipe. Ndërkaq, në vitin 2006 merr titullin magjistër i filologjisë pranë Fakultetit Filologjik “BllazheKoneski” në Shkup, duke mbrojtur temën me titull “Gjuha  te këngët popullore shqipe të rrethit të Kërçovës”. Po në këtë fakultet më 2011 do të mbrojë tezën e disertacionit me temë: Kategoritë gramatikore të foljes në romanet e Ismail Kadaresë të përkthyera nga shqipja në maqedonishte”, me të cilën do të marrë titullin doktor i shkencave filologjike.

 

Gjatë periudhës 2022-2023, ishte zëvendësministër i Arsimit dhe Shkencës në Republikën e Maqedonisë së Veriut. Nga viti 2023 deri në vitin 2024, u caktua prodekan për arsim në Fakultetin Pedagogjik “Shën Klimenti i Ohrit” pranë Universitetit “Shën Kirili dhe Metodi” në Shkup.

 

Nga viti 2009 është duke punuar/ligjëruar në Universitetin “Shën Qirili dhe Metodi”, Shkup në Fakultetin Pedagogjik “Shën KlimentOhridski” të Shkupit dhe gjatë kësaj periudhe ka qenë i angazhuar në kuadër të Universitetittë Tetovës ku ka mbuluar lëndën e gjuhës shqipe.

 

Në vitin 2020 merr gradën arsimore-shkencore Profesor ordinar në Universiteti “Shën Qirili dhe Metodi” - Shkup, Fakulteti Pedagogjik “Shën KlimentOhridski” në Shkup për lëndët: Metodika e mësimdhënies së gjuhës shqipe, Letërsi për fëmijë, Letërsi komparative/kreative, Punëtori letrare, për studentët e mësimit klasor dhe edukimit parashkollor në gjuhën shqipe.

 

Nga viti 2020 është Udhëheqës i Institutit për edukim parashkollor pranë Fakulteti Pedagogjik “Shën KlimentOhridski” në Shkup.

 

Në periudhën prej 2014 - 2018 është udhëheqës i studimeve të ciklit të dytë pranë Fakulteti Pedagogjik “Shën KlimentOhridski” në Shkup, po gjatë kësaj periudhe 2014 - 2015 është edhe anëtar i Komisionit për formimin e listës së lektyrave shkollore për arsimin fillor nga Byroja për zhvillim të arsimit e RMV-së.

 

Që në vitin 2000 është përkthyes i autorizuar gjyqësor nga shqipja në maqedonisht dhe anasjelltas. 

 

Për një periudhë dhjetëvjeçare ka punuar në shkollën fillore të qytetit të Kërçovës.

 

Ka të botuar: 

ü  Metodika e mësimdhënies së gjuhës shqipe në ciklin e ulët të arsimit fillor, tekst mësimor që përdoret për nevojat e studentëve të Fakultetit Pedagogjik në Shkup, Shkup, 2019, ISBN 978-608-66370-0-2;   

ü  Stratifikimi shoqëror dhe arsimi, Focusprint, Shkup, 2020, ISBN 978-608-66370-1-9

ü  E folmja e rrethit të  Kërçovës, Çabej, Tetovë, 2011, ISBN 978-9989-150-71-5.

ü  Kategoritë gramatikore të foljes në romanet e Ismail Kadaresë të përkthyera nga shqipja në maqedonishte, temë e disertacionit të doktoratës, mbrojtur në Fakultetin Filologjik “BlazheKoneski” në Shkup, 2011. 

 

Zotëron gjuhën shqipe (gjuhë amtare), gjuhën maqedonase dhe gjuhët e tjera sllave të Ballkanit, si dhe gjuhën angleze.