Në takimin e Ministrës  së Arsimit dhe Shkencës Prof. Dr. Vesna Janevska dhe ambasadorin e Republikës Çeke, Jarosllav Ludva, u konfirmua se bashkëpunimi mes dy vendeve në fushën e arsimit dhe shkencës do të vazhdojë edhe në periudhën në vijim. Bursat do të vazhdojnë të ndahen për qytetarët e Maqedonisë për ndjekjen e kurseve verore në gjuhën çeke dhe anasjelltas si dhe do të bëhen përpjekje për lidhje më të ngushtë të institucioneve arsimore.

Janevska e informoi ambasadorin  Ludva për aktivitetet aktuale dhe prioritetet e ardhshme të Ministrisë. Bashkëbiseduesit ranë dakord se arsimi është shtyllë e zhvillimit të çdo shoqërie dhe se bashkëpunimi dhe shkëmbimi i përvojave mes dy vendeve mund të ndihmojë në përforcimin e tij.