Zëvendësministri i Arsimit dhe Shkencës, Lulzim Aliu, përshëndeti të pranishmit dhe mysafirët në Konferencën e 51-të Shkencore Ndërkombëtare, e cila në kuadër të Seminarit Ndërkombëtar për Gjuhën, Letërsinë dhe Kulturën Maqedonase, po mbahet në Ohër, duke theksuar se shumë maqedonas vendas dhe të huaj, filologë, folkloristë dhe kulturologë janë dëshmi e interesit të jashtëzakonshëm që e shkakton gjuha maqedonase dhe përkushtimi i tyre në hulumtimin dhe kremtimin e trashëgimisë gjuhësore dhe letrare të gjuhës maqedonase.
“Tubimi i hulumtuesve shkencorë këtë vit ka një rëndësi të veçantë sepse po festojmë tre jubile monumentale: 150 vjet nga lindja e Kërste Misirkovit, 95 vjet nga lindja e Gane Todorovskit dhe 90 vjet nga lindja e Petre M. Andreevskit. Ato lanë gjurmë të pashlyeshme në peisazhin tonë kulturor dhe intelektual dhe janë gjithmonë frymëzim për analiza dhe kërkime shkencore. Gjithashtu kurioziteti me të cilin presim prezantimet e studimeve shkencore, të cilën besoj se do të jenë kontribut i rëndësishëm në pasurimin e të kuptuarit tonë për letërsinë, kulturën dhe historinë maqedonase”, tha zëvendësministri Aliu.
Duke theksuar se kjo Konferencë Shkencore tanimë për gjysmë shekulli jepë referenca kyçe për maqedonologjinë dhe inkurajon procesin e komunikimit ndërmjet traditës dhe modernitetit, Aliu tha se shkencëtarët përmes punimeve të tyre kontribuojnë në promovimin dhe ruajtjen e gjuhës maqedonase, veçanërisht në kontekst ndërkombëtar. Me ç`rast, shkencëtarët dhe hulumtuesit shkëmbejnë njohuri dhe përvoja, gjithashtu përforcohet bashkëpunimi ndërkombëtar ndërmjet shkencëtarëve maqedonas dhe të huaj, ndërsa Konferenca luan rol të rëndësishëm në promovimin e kulturës maqedonase.
“Qeveria e re dhe Ministria e Arsimit dhe Shkencës mbështesin Konferencën Shkencore Ndërkombëtare si ngjarje e rëndësishme nga fusha akademike dhe kulturore, e cila ka efekte të gjera në afirmimin e vendit tonë. “Kjo konferencë le të jetë një podium frymëzues për shkëmbimin e ideve, për kremtimin e pasionit të përbashkët për gjuhën, letërsinë dhe kulturën maqedonase dhe sigurisht për krijimin e shoqërive të reja”, theksoi zëvendësministri i Arsimit.