Në bazë të nenit 54 paragrafi 1 të Ligjit për Standardet e Nxënësive (“Gazeta zyrtare e RM” nr. 52/05, 117/08, 17/11, 135/11, 15/13, 41/14, 146/ 15, 30/16, 64/18, 20/19 dhe “Gazeta Zyrtare e Republikës së Maqedonisë së Veriut” nr. 248/20 dhe 302/20) dhe Vendimin për përcaktimin e numrit të bursuesve dhe lartësisë së bursave për nxënësi të regjistruar në shkollat e mesme në Republikën e Maqedonisë së Veriut për vitin shkollor 2023/2024 (“Gazeta zyrtare e Republikës së Maqedonisë së Veriut” nr. 202/23), dhe Aktvendimin për shpalljen e Konkursit për ndarjen e 50 (pesëdhjetë) bursave për nxënësi - fëmijë pa prindër nga shkollat ​​e mesme publike dhe private në Republikën e Maqedonisë së Veriut për vitin shkollor 2023/2024 Nr.19-11095/1 më datë 13.10.2023 Ministri i Arsimit dhe Shkencës, shpalli

KO N K U R S

për ndarjen e 50 (pesëdhjetë) bursave për nxënës – fëmijë pa prindër nga shkollat e mesme publike dhe private të Republikës së Maqedonisë së Veriut për vitin shkollor 2023/2024

Ministria e Arsimit dhe Shkencës për vitin shkollor 2023/2024 do të ndajë 50 (pesëdhjetë) bursa për nxënës – fëmijë pa prindër nga shkollat ​​e mesme publike dhe private në Republikën e Maqedonisë së Veriut.

I.                 KUSHTET PËR NDARJEN E BURSËS

Të drejtë për bursë kanë kandidatët që mësojnë në shkollat ​​e mesme publike dhe private në Republikën e Maqedonisë së Veriut, ndërsa i plotësojnë kushtet në vazhdim:

1. Të jenë nxënësi të rregullt nga viti i parë, të cilët kanë arritur së paku sukses të mirë gjatë arsimit fillor;

2. Të jenë nxënësi të rregullt të viteve II, III dhe IV, të cilët kanë arritur së paku sukses të mirë gjatë arsimit të mesëm;

3. Të kenë vërtetim nga Qendra kompetente për kujdesje sociale, vërtetim nga shtëpia ku janë kujdesur ose dokumentacion tjetër përkatës që vërteton se janë fëmijë pa prindër;

4. Që nuk e përsëritur vit gjatë shkollimit;

5. Të mos jenë përfitues të bursave nga institucionet apo kompani të tjera;

6. Të jenë nënshtetas të Republikës së Maqedonisë së Veriut. Kriteret për ndarjen e bursave është suksesi i arritur.   

II.              MËNYRA, VENDI DHE AFATET E DORËZIMIT TË DOKUMENTEVE

Nxënësit të cilët i plotësojnë kushtet e konkursit plotësojnë aplikacion elektronik dhe e bashkëngjisin dokumentacionin përkatës në http://e-uslugi.mon.gov.mk 18.10.2023 deri në datën 01.11.2023.

Dokumentet e nevojshme për dorëzim janë :

1. Vërtetim se është nxënësi i rregullt në vitin shkollor 2023/2024;

2. Dëftesat  për vitet paraprake të përfunduara të  arsimit (kandidatët nga viti i parë dorëzojnë vërtetime nga klasa VI-IX); (të bashkëngjisin dëftesat origjinale)

3. Të kenë vërtetim nga Qendra kompetente për kujdese Sociale, vërtetim nga shtëpia ku janë kujdesur ose dokumentacion tjetër përkatës që vërteton se janë fëmije pa prindër;

4. Deklaratë e nënshkruar nga kujdestari se kandidati nuk është përfitues i bursës tjetër, e publikuar në portalint;

5. Deklaratë e nënshkruar nga kujdestari se dokumentet e paraqitura janë të vërteta;

6.Deklaratë për përdorimin e të dhënave personale e nënshkruar me emrin dhe mbiemrin e plotë të kujdestarit;

7.Llogaria e transaksionit në emër të nxënësit.

Ministria e Arsimit dhe Shkencës në mënyrë zyrtare, në pajtim me Rregulloren për formularin e kërkesës për vendosje në konvikt për nxënësi dhe formularin e kërkesës për ndarjen e bursës, me dokumentacionin e nevojshëm (“Gazeta zyrtare e Republikës së Maqedonisë” nr. 189/ 16), do të sigurojë dokumentin në vijim:

- Vërtetim për nënshtetësinë e Republikës së Maqedonisë së Veriut nga Ministria e Punëve të Brendshme.

Kandidatët nuk do të rangohen nëse dokumentacioni i dorëzuar është i pakompletuar  ose nëse dokumentet dorëzohen/dërgohen në letër.

Lista e kandidatëve të përzgjedhur do të publikohet në datën 01.12.2023 në faqen e internetit të Ministrisë.

Të gjithë përfituesit e bursave janë të detyruar të nënshkruajnë marrëveshjen e bursave me Ministrinë e Arsimit pas publikimit të listës, më së voni deri në datën 15.12.2023. Të gjithë kandidatët që nuk arrijnë të përmbushin këtë afat do të konsiderohet se kanë refuzuar bursën .

III.            SHUMA E BURSËS

Shuma e bursës do të arrijë në 3,500,00 denarë në muaj dhe do të paguhet në periudhë prej nëntë (9) muajsh për kohëzgjatjen e vitit shkollor 2023/2024.