„ Gjuha përfaqëson një nga elementët kyçe për vazhdimësinë historike të një kombi. Pas çdo fjale të shkruar, pas çdo libri të shkruar fshihet historia e atyre që kanë jetuar para nesh dhe përjetësohen ngjarjet e rëndësishme në vend”, potencoi  ministri i Arsimit dhe Shkencës, Jeton Shaqiri në manifestimin e sotëm me rastin e  ditëve të haçura të Institutit për Gjuhën Maqedonase.

 

Ministri Shaqiri në fjalën e tij theksoi se investimi në të rinjtë dhe në sistemin arsimor kërkon bashkëpunim të ndërsjellë.

 

“Trajtimi  i vazhdueshëm kërkon gjithashtu investim dhe bashkëpunim të vazhdueshëm të përbashkët. Në këtë drejtim, jam veçanërisht i lumtur që funksionon Këshilli Kombëtar për Arsimin e Lartë dhe Kërkimin Shkencor, ku bashkërisht bëjmë pyetje, debatojmë dhe japim përgjigje, të gjitha me synim avancimin e arsimit të lartë dhe intensifikimin e kërkimit shkencor.

 

Gjithashtu  që nga viti i kaluar, konsiderueshëm janë rritur, shumat  e bursave,  mundësi për të aplikuar për bursa këtë vit do të kenë edhe studentët në ciklin e dytë dhe të tretë të studimeve. Me një sërë politikash dhe masash, ne mbështesim punën shkencore dhe kërkimore dhe krijojmë kushte për lëvizshmërinë e kuadrit të mësimdhënës ndërsa  angazhimi ynë për të inkurajuar arsimin akademik bazohet në ide të qartë të rëndësisë së kapitalit njerëzor në formësimin e një të ardhmeje premtuese. ”, theksoi Shaqiri.

 

Ai gjithashtu  shtoi se qëllimi  strategjik i Ministrisë së Arsimit dhe Shkencës dhe Qeverisë është të mbështesin arsimin e lartë cilësor dhe inkluziv dhe të përmirësojnë standardet e studentëve.

 

“Hapat tanë çojnë në një qëllim, që është ndërtimi i një sistemi që siguron zhvillim të vazhdueshëm të arsimit të lartë dhe shkencës. Si institucione të shtetit, në vazhdimësi po mundohemi t`u ndihmojmë të rinjve në Republikën e Maqedonisë së Veriut që të marrin rrugën e tyre më të rëndësishme drejt botës akademike”, theksoi ministri në fjalën e tij.

 

Ai shprehu kënaqësinë për punën e suksesshme të Institutit të Gjuhës Maqedonase.

 

“Jam i kënaqur që Instituti po shënon  progres të vazhdueshëm dhe sot ka me çfarë të mburret. Kjo është veçanërisht e rëndësishme për motivimin e nxënësve që kanë rolin më të rëndësishëm, që është të vazhdojnë të kujdesen për mbijetesën dhe zhvillimin e gjuhës sonë. Prandaj, jam i bindur se Instituti do të vazhdojë me përkushtimin dhe trajnimin e suksesshëm të profesionistëve, të cilët do të jenë shtyllë e gjuhës dhe kulturës maqedonase”, u shpreh ministri Shaqiri.

 

Në këtë eveniment mori pjesë dhe fajlën e mori kryeministri i Republikës së Maqedonisë së Veriut, Dimitar Kovaçevski.