Në bazë të nenit 55 paragrafit 1 të Ligjit për Organizimin dhe Punën e Organeve të Administratës Shtetërore (Gazeta Zyrtare e Republikës së Maqedonisë nr. 58/00, 44/02, 82/08, 167/10, 51/11 dhe “Gazeta Zyrtare  e Republikës së Maqedonisë së Veriut nr. 96/19 dhe 110/19) dhe neni 12 i Ligjit për Gjimnazin Matematikë-Informatikë (“Gazeta Zyrtare e Republikës së Maqedonisë” nr. 64/18) dhe Rregulloren për mënyrën dhe Kriteret më të përafërta për ndarjen e bursës mujore për nxënësit e Gjimnazit Matematikë-Informatikë (“Gazeta Zyrtare e Republikës së Maqedonisë” nr. 5/19), Ministri i Arsimit dhe Shkencës shpall

Konkurs për ndarjen e bursave për nxënësit e rregullt të regjistruar në SHMSH "Gjimnazi Matematikë-Informatikë" për vitin shkollor 2022/2023

Ministria e Arsimit dhe Shkencës për vitin shkollor 2022/2023 do të ndajë bursa për nxënësit e regjistruar në SHMSH  “Gjimnazi Matematikë-Informatikë” – Shkup në Republikën e Maqedonisë së Veriut.

I.                 KUSHTET PËR NDARJEN E BURSËS

Të drejtën e bursës  e kanë nxënësit të cilët janë të regjistruar në SHMSH Gjimnazin " Matematikë-Informatikë” në Republikën e Maqedonisë së Veriut dhe të cilët i plotësojnë kushtet në vazhdim:

-të jenë nxënës të rregullt në SHMSH "Gjimnazi Matematikë-Informatikë" ( vitit II dhe III)

-të kenë arritur sukses të  përgjithshëm të shkëlqyeshëm  në fund të vitit të kaluar shkollor;

-të mos jenë shfrytëzues  të bursave nga institucione apo kompani të tjera;

- të jenë shtetas të Republikës së Maqedonisë së Veriut.

II. MËNYRA DHE AFATI I REGJISTRIMIT

Nxënësit të cilët i plotësojnë kushtet e konkursit plotësojnë aplikacion elektronik dhe e bashkëngjesin  dokumentacionin përkatës në https://e-uslugi.mon.gov.mk/, ndërsa, nëse nuk kanë mundësi të aplikojnë në mënyrë elektronike, plotësojnë një aplikim në  letër (kërkesë) dhe e dorëzojnë  dokumentacionin e nevojshëm sipas  konkursit në Ministrinë e Arsimit dhe Shkencës, (Rr. Qirili dhe Metodi nr. 54, Shkup), nga 28.09.2022-10.10.2022, nga ora 08:00- 16:00

III . DOKUMENTACIONI I NEVOJSHËM  

Nxënësit  të cilët janë paraqitur në mënyrë elektronike duhet të dorëzojnë dokumentet në vazhdim:

1.     Kërkesë  vetëm për kandidatët që do të aplikojnë në letër;

2.     Certifikatë për shtetësinë e Republikës së Maqedonisë;

3.     Vërtetim se është nxënës i rregullt në Gjimnazin Matematikë-Informatikë;

4.      Fotokopje të noterizuara të dëftesave  për vitin e kaluar të arsimit të kryer;

5.      Deklaratë të nënshkruar nga prindi/kujdestari se nxënësi nuk është përfitues i një burse tjetër;

6.     Deklaratë nga prindi/kujdestari në lidhje me përpunimin dhe përdorimin e të dhënave të tij personale dhe të të dhënave personale të nxënësit, me të cilën nxënësi pajtohet që Ministria zyrtarisht të sigurojë dokumentet e nevojshme.

Me parashtrimin  e dokumenteve të kërkuara, kandidatëve u rekomandohet të dorëzojnë një kopje të llogarisë personale të transaksionit.

Ministria e Arsimit dhe Shkencës zyrtarisht merr certifikatën e shtetësisë së Republikës së Maqedonisë së Veriut nga Ministria e Punëve të Brendshme.

IV. VENDI DHE AFATI I DORËZIMIT TË DOKUMENTEVE

Nxënësit të cilët kanë aplikuar në formë elektronike  në Konkurs, deri te  Ministria se Arsimit dhe Shkencës në Rr. “Shën Qirili dhe Metodi” nr. 54, Shkup, nga data 28.09.2022 - 10.10.2022, nga ora 8:00- 16:00, dorëzojnë  dokumentet e përcaktuara në pikën III të konkursit.

V. LARTËSIA E BURSËS

Lartësia e bursës do të jetë 3500 denarë në muaj për nëntë muaj gjatë vitit shkollor

Lista e nxënësve që do të fitojnë  të drejtën e bursës do të publikohet më 10.11.2022 në ueb-faqen mon.gov.mk dhe në SHMSH “Gjimnazi Matematikë – Informatikë” – Shkup.

Nxënësit  të cilët do të përfitojnë bursë do të lidhin marrëveshje me Ministrinë e Arsimit dhe Shkencës, ku  do të përcaktohen  të drejtat dhe detyrimet.