Në bazë të nenit 54 paragrifi 1 të Ligjit për standard të nxënësve  (“Gazeta Zyrtare e Republikës së Maqedonisë” nr. 52/05, 117/08, 17/11, 135/11, 15/13, 41/14, 146/15, 30/16, 64/18, 20/19 dhe “Gazeta Zyrtare e Republikës së Maqedonisë së Veriut” nr. 248/20), dhe Vendimin për caktimin e numrit të bursistëve dhe shumën e bursave për nxënës të regjistruar në shkollat e mesme në Republikën e Maqedonisë së Veriut për vitin shkollor 2021/2022 (“Gazeta Zyrtare e Republikës së Maqedonisë së Veriut” nr 166/21), dhe Aktvendimi për shpalljen e Konkursit për ndarjen e 100 (njëqind)  bursave  për nxënës  të talentuar - sportist të shkollave të mesme publike dhe private  në Republikën e Maqedonisë së Veriut për vitin shkollor 2021/2022 nr. 19 19-11184/1 të dates 26.07.2021 Ministria e Arsimit dhe Shkencës shpall

 

KONKURS

 

për ndarjen  e 100 ( njëqind) bursave për nxënës të talentuar - sportist të shkollave të mesme publike dhe private në Republikën e Maqedonisë së Veriut për vitin shkollor 2021/2022

 

Ministria e Arsimit dhe Shkencës për vitin shkollor 2021/2022 do të ndajë 100 ( njëqind) bursa për nxënës të talentuar - sportist të shkollave të mesme publike dhe private në Republikën e Maqedonisë së Veriut  

 

I. KUSHTET PËR NDARJEN E BURSËS

 

Të drejtë burse  kanë nxënësit të cilët mësojnë në shkollat e mesme publike dhe private në Republikën e Maqedonisë së Veriut  ndërsa i  plotësojnë kushtet në vazhdim:

1. të jenë nxënës të rregullt në vitin e I, II, III, IV, të cilët gjatë dy viteve të fundit kanë fituar së paku shpërblim/diplomë  për vendin e I ose të II në gara ndërkombëtare ose shtetërore nga fusha e sportit të organizuara nga Federatat Nacionale e Sportit që disponojnë Aktvendim për kryerje të veprimtarisë sportive  lëshuar  nga Agjencioni  për Rini dhe Sport; 

2.  të kenë të arritur sukses mesatar së paku  shumë mire  gjatë arsimimit të deritanishëm; 

3. të mos kenë përsëritur vit gjatë arsimimit;  

4. të mos jenë shfrytëzues të bursave nga institucione ose kompani  tjera; 

5.  të jenë shtetas të Republikës së Maqedonisë së Veriut.

 

Kriter për ndarjen e bursave është  suksesi  i arritur  gjatë shkollimit dhe shpërblimi -et/diploma-at e fituara në gara shtetërore dhe ndërkombëtare.

 

Për kriterin sukses i realizuar, pikët fitohen sipas formulës në vijim:

Notë=pike.

 

Për kriterin shpërblim  /diplomë e fituar në gara shtetërore ose ndërkombëtare edhe atë për vendin e fituar të I ( parë) ose II ( dytë)në gara ndërkombëtare ose shtetërore nga fusha e sportit, pikët përcaktohen varësisht nga lloji i çmimit të fituar edhe atë:

- vendi i I (parë) i fituar në gara ndërkombëtare vlerësohet me 5 pikë, ndërsa në gara shtetërore me 4 pikë,

- II( dytë) fituar në gara ndërkombëtare vlerësohet me 4 pikë, ndërsa në gara shtetërore me 3 pikë,

përderisa lloji i shpërblimit të fituar vlerësohet me 2 pikë për shpërblimin  e  fituar individual  dhe 1 pikë për shpërblimin  e fituar në  ekip, p.sh.: Nëse nxënësi ka fituar vendin e pare në sport në grupe në garë shtetërore ajo do të thotë se ajo diploma do të vlerësohet me 5 pikë (4 pikë për vendin e pare të fituar në garë shtetërore + 1 pikë për çmimin e fituar në ekip), ose

Nëse nxënësi ka fituar vendin e dytë në sport individual në garë ndërkombëtare ajo diplomë vlerësohet me 6 pikë (4 pikë për vendin e dytë të fituar në garë ndërkombëtare + 2 pikë për çimimin individual të fituar).  

 

 

  Për shpërblimet e fituara në gara shtetërore nga fusha e sportit do të njihen vetëm shpërblimet  e fituara në gara të organizuara nga Federatat Sportive Nacionale të cilët disponojnë Aktvendim për kryerje të veprimtarisë sportive  të lëshuar  nga Agjencioni  për  Rini dhe Sport, ndërsa nuk do të merren parasysh  nga klubet e sporteve, shoqatat etj.

 

II. MËNYRA DHE AFATI I PARAQITJES

 

Nxënësit të cilët i plotësojnë kushtet sipas konkursit  duhet të plotësojnë Fletëparaqitjen elektronike dhe ja bashkangjesin dokumentacionin e nevojshëm në http://e-uslugi.mon.gov.mk  ndërsa në qoftë se nuk kanë mundësi të aplikojnë në mënyrë elektronike,atëherë plotësojnë Fletëparaqitjen  në letër (listën evidentuese) dhe e dorëzojnë dokumentacionin e nevojshëm sipas Konkursit në Ministrinë e Arsimit dhe Shkencës ( Rr. Shën Kirili dhe Metodi nr.54, Shkup) nga data 1.9.2021 deri më 15.9.2021, prej ora 08:00-16.00.

 

Dokumentet e nevojshme për dorëzim:

1. Lista evidentuese, vetëm për kandidatët të cilët aplikojnë në formë të letrës;

2. Vërtetim se është nxënës i rregullt në vitin shkollor 2021/2022;

3. Kopje të Dëftesave  të vërtetuara në noter për vitet paraprake ( kandidatët e vitit të parë dorëzojnë  dëftesat nga klasa e VI - IX); (kandidatët të cilët aplikojnë në formë elektronike të bashkëngjesin dëftesa origjinale të skenuara)

4. Kopje të diplomave të vërtetuara në noter për shpërblimet/diplomat e fituara për vendin e I ose II në gara shtetërore dhe / ose gara ndërkombëtare nga fusha e sportit, të organizuara nga federata nacionale e sportit, të organizuara nga federata nacionale e sportit që kanë aktvendim për kryerjen e veprimtarisë sportive të lëshuar nga Agjencioni  për  Rini dhe Sport; (kandidatët të cilët aplikojnë në formë elektronike të bashkëngjesin dëftesa origjinale të skenuara)

5. Deklaratë të nënshkruar nga prindi - kujdestari se kandidati nuk është shfrytëzues i ndonjë burse tjetër  publikuar në ueb faqen e Ministrisë;

6. Deklaratë të nënshkruar nga prindi - kujdestari se dokumentet e dorëzuara janë të sakta dhe identike, e shpallur në ueb faqen e Ministrisë

7. Deklaratë të nënshkruar nga prindi-kujdestari për përpunimin e të dhënave të kandidatit dhe familjes së tij më të ngushtë (prindër-kujdestarë, vëllezër, motra), me të cilën pajtohet Ministria e Arsimit dhe Shkencës sipas përgjegjësisë zyrtare t’i sigurojë dokumentet e nevojshme nga institucionet publike me të cilën ka lidh marrëveshje për bashkëpunim, e publikuar në ueb faqen e internetit të Ministrisë;

   Ministria e Arsimit dhe Shkencës zyrtarisht, në pajtim me Rregulloren për formularin e Kërkesës për akomodim në konvikt për nxënës dhe formularin e Kërkesës për ndarjen e bursës, me dokumentacionin e nevojshëm (“ Gazeta Zyrtare e Republikës së Maqedonisë së Veriut” nr. бр.189/16 dhe 41/17),do ta sigurojë dokumentin në vazhdim:

            - certifikatën e shtetësisë së Republikës së Maqedonisë së Veriut nga Ministria e Punëve të Brendshme

 

 

 

 Shpërblimet - diplomat  ku nuk është precizuar vendi i fituar, përkatësisht shpërblimet-diplomat dhe mirënjohjet  për pjesëmarrje në gara pa vend të fituar , shpërblimet - diplomat të cilët nuk janë fituar në vitin paraprak shkollor nuk do të merren parasysh.

              Kandidatët  nuk do  të  rangohen nëse dokumentacioni nuk është i kompletuar dhe i dorëzuar në kohë.

            Lista e kandidatëve të përzgjedhur do të publikohet më 10.10.2021 në ueb faqen e Ministrisë.

 

Të gjithë fituesit e bursës  pas shpalljes së listës, ndërsa më së voni deri më 20.10.2021 të nënshkruajnë marrëveshjen për bursë me Ministrinë e Arsimit dhe Shkencës. Të gjithë kandidatët të cilët nuk do të rrespektojnë këtë afat do të konsiderohet  se janë dorërhequr  nga bursa.

 

IV. SHUMA E BURSËS

Shuma e bursës është 3.500,00 denarë në muaj për nëntë muaj gjatë vitit shkollor.