Agjencia Kombëtare Polake për Shkëmbim Akademik - NAWA informon se do të sigurojë katër bursa për kandidatët e Republikës së Maqedonisë së Veriut për vitin 2021, për pjesëmarrje në kurse verore të Gjuhës dhe kulturës polake, në kuadër të Programit NAWA, që do të mbahen në Republikën e Polonisë.
Kandidatët dokumentacionin në vazhdim duhet ta dorëzojnë në dy ekzemplar:
- fletëaplikim të plotësuar
- CV, biografi të shkurtër
- diplomë për kryerjen e arsimit të lart;
- për studentët: vërtetim se është student i rregullt në fakultet;
- letër motivimi
Kurset mbahen në muajin korrik dhe gusht të vitit 2021 në kohëzgjatje prej 3 ose 4 javësh.
Bursa mbulon shkollimin, akomodimin dhe ushqimin në mensën për studentë, ndërsa shpenzimet e rrugës i mbulon vetë kandidati.
Dokumentacioni i pakompletuar dhe i dorëzuar jo në kohë nuk do të merret parasysh.
Këtë vit, Programi NAWA për kurse verore ( paraprakisht kurse verore të gjuhës dhe kulturës polake) u transformua në program institucional. Ndryshimi kryesor i cili është i rëndësishëm për Ministrinë e Arsimit dhe Shkencës së Republikës së Maqedonisë së Veriut dhe për kandidatët është se universitetet me të cilat NAWA do të firmos marrëveshje për organizimin e kurseve verore, do të jenë përgjegjëse për regrutimin e pjesëmarrësve. Universitetet do të rekrutojnë pjesëmarrësit në bazë të udhëzimeve nga ana e NAWA dhe do t′i pranojnë ata pjesëmarrës të cilët janë të caktuar nga ana e NAWA në listën ,e vendeve të garantuara. Rregullat e detajuara për rekrutim do të caktohen nga ana e vet universiteteve, ndërsa të gjitha informatat rrjedhëse në rast pyetjesh të personave të cilët nuk gjenden në listën me vendet e garantuara mund të gjenden në linkun në vazhdim: https://nawa.gov.pl/en/the-polish-language/nawa-summer-courses
Kandidatët mund të regjistrohen më së voni deri më 18.3.2021, ora 15:00 në linkun në vazhdim: https://programs.nawa.gov.pl/login
Kandidatët e regjistruar Fletëaplikimin së bashku me dokumentacionin e lartë shënuar në dy ekzemplar duhet ta dorëzojnë në arkivin e Ministrisë së Arsimit dhe Shkencës në Republikën e Maqedonisë së Veriut, Rr “ Shën Kirili dhe Metodi” nr. 54, 1000 Shkup më së voni deri më 22.3.2021.
Intervista me kandidatët do të mbahet më 26.3.2021 në ora 10:00 në hapësirat e Ministrisë së Arsimit dhe Shkencës, kati 14 zyra nr. 1411.
Personi kontaktues : Goce Vidanovski , Sektori për Shkencë dhe Inovacion, , (02) 3140 185,
E-mail: goce.vidanovski@mon.gov.mk
E rëndësishme: për shkak të pandemisë KOVID -19, ende nuk dihet nëse kurset do të organizohen në mënyrën tradicionale (stacionare) , ose për here të dytë radhazi do të organizohen nga distanca ( online). Kjo informatë do të dihet deri në prill të vitit 2021.