Për të siguruar vazhdimësinë e procesit edukativo-arsimor të nxënësve që janë duke u shëruar në spital për më shumë se tre javë, Ministria e Arsimit dhe Shkencës, në bashkëpunim me Ministrinë e Shëndetësisë dhe OJQ-në SANO, nga shtatori i vitit 2025, përfshin arsimin formal në institucionet shëndetësore.

 

Sipas ndryshimeve që janë bërë në rregulloret ligjore, varësisht nga gjendja shëndetësore, nxënësit mund të marrin pjesë në mësime online në klasën e tyre, të organizojnë mësime individuale të përshtatura sipas programit mësimor ose përmes komunikimit asinkron, të marrin materiale dhe të zgjidhin detyrat e shtëpisë. Kompetente për zbatimin e kësaj mase sistematike janë shkollat fillore ku janë regjistruar nxënësit që janë nën trajtim spitalor.

 

Mësimdhënësi dhe nxënësi përdorin mjetet e zakonshme digjitale të përdorura në procesin e rregullt arsimor, siç janë platforma EDUINO dhe platforma digjitale për e tekste shkollore interaktive. Shkolla ku është regjistruar nxënësi mund t`i ndajë pajisje elektronike, nga fondi i kompjuterëve tabletë që ai disponon, nëse është e nevojshme.

 

Asnjë fëmijë nuk duhet të privohet nga arsimi vetëm sepse është në shërim. Sëmundja nuk do të thotë izolim, ndërprerje ose harresë. Përkundrazi – sëmundja është një sfidë dhe ne, si shoqëri, kemi për obligim ndaj atyre për mbështetje, strukturë dhe shpresë. Duke investuar në njohuritë e tyre, ne investojmë në një të ardhme më të drejtë, më empatike dhe më të fortë!