Arsim më të mirë në këtë vend duhet të ketë, pavarësisht se kush do ose nuk do të përfshihet në krijimin e ndryshimeve. Sepse fëmijët tanë e meritojnë. Por i bëj thirrje të gjithëve të japin kontributin e tyre. I bëj thirrje LSDM-së dhe të gjitha partive tjera që të marrin pjesë në zhvillimin e konceptit për arsimin e mesëm gjimnaz. Nuk nxitojmë, asgjë nuk është vendosur definitivisht, kemi një vit për ta miratuar konceptin e ri, tha ministrja e Arsimit dhe Shkencës Vesna Janevska, duke iu përgjigjur pyetjes së gazetarit.

 

"Draft versioni i Konceptit është në diskutim publik. Kemi marrë shumë komente, nëse i plotësojmë të gjitha kushtet, gjimnazistët do të kenë lëndë për të qëndruar në shkollë 10-11 orë”, sqaroi Janevska.

 

Në dialog dhe transparencë, duke biseduar me të gjithë ata që duan të kontribuojnë në arsimin më cilësor, e jo me dekrete si më parë, do të finalizohet dhe miratohet koncepti i ri për arsimin e mesëm gjimnaz, konfirmoi ministrja Janevska.

 

Çështja e konceptimit përfundon këtu, debati publik vazhdon. Ne si MASH do të lëvizim, do t’i vizitojmë, do t’i dëgjojmë, do të bisedojmë me ta, por kjo nuk është diçka që është vendosur përfundimisht. Vazhdoj ta përsëris. Ndoshta njerëzit kanë frikë, duke mësuar nga qeveritë e mëparshme, ku vendimet merreshin me dekret. Por kjo është arsyeja pse ata nuk janë më në pushtet. Tani ka qeveri të re që dëshiron të bëjë atë që duhet bërë përmes dialogut dhe transparencës”, tha ministrja, duke theksuar se Ministria ka shumë e shumë detyrime dhe çështje të neglizhuara që duhen kompensuar.