Ministria e Arsimit dhe Shkencës punon me përkushtim që fëmijët me nevoja të veçanta arsimore të marrin arsim cilësor sipas nevojave dhe mundësive të tyre, të arrijnë potencialin e tyre të plotë dhe të rriten në qytetarë të gjithëpërfshirë dhe të angazhuar në shoqëri. Sot, në Ditën Ndërkombëtare të Personave me Aftësi të Kufizuara, i themi PO përfshirjes funksionale,kurse  JO sistemit me të cilin prindërit janë të pakënaqur dhe mësimdhënësit kanë vërejtje të shumta.

Gjatë muajve të fundit, në kontaktet intensive me të gjitha palët e interesuara, u dëshmua qartë se koncepti i gjithëpërfshirjes totale funksionon vetëm në letër dhe nuk zbatohet në praktikë dhe për këtë arsye nuk ka efekte të pritura. Shumica e prindërve të fëmijëve me aftësi të kufizuara besojnë se modeli aktual arsimor vetëm sa e thellon boshllëkun  midis dallimeve  dhe diskriminon fëmijët e tyre.

Prandaj, po e ndryshojmë modelin e arsimit gjithëpërfshirës ku çdo prind sipas vlerësimit funksional (sipas ICF) dhe së bashku me ekspertët do të jetë në gjendje të vendosë nëse fëmija i tij do të mësojë në shkollë të rregullt apo speciale me qendër burimore. Mirëpo pavarësisht se në cilën shkollë mëson , Ministria e Arsimit dhe Shkencës ka për qëllim të  sigurojë  mbështetje të përshtatur që korrespondon me nevojat dhe aspiratat individuale të çdo fëmije.

Po punohet për rritjen e vazhdueshme të numrit të asistentëve arsimorë. Këtë vit shkollor kemi përfshirë mbi 1000 ekspertë të mësimdhënies në shkollat ​​fillore, më së shumti deri tani. Në Ligjin e ri për Arsimin e Mesëm, i cili do të sillet në fillim të vitit 2025, janë  paraparë  asistent arsimor edhe në shkollat ​​e mesme. Gjithashtu vazhdojmë mbështetjen për mësimdhënësit përmes trajnimeve, në mënyrë që t’ju përgjigjen kërkesave të fëmijëve me nevoja të kufizuara . Në kuadër të mundësive buxhetore, do t’i përmirësojmë kushtet në shkollat ​​me qendër burimore, pasi të kemi përcaktuar më parë situatën në secilën shkollë veçmas në teren. Kjo nënkupton teknologjinë dhe pajisjet e duhura ndihmëse, të cilat do të ndihmojnë dhe rrisin pavarësinë e nxënësve me nevoja të kufizuara arsimore.

Ministria e Arsimit dhe Shkencës punon njëkohësisht në përmirësimin dhe përshtatjen me nevojat reale të të gjitha segmenteve të arsimit. Kemi mbështetjen e fortë të institucioneve ndërkombëtare prej ku përdorim praktikat më të mira ndërkombëtare. Të  gjitha hapat  i bëjmë  me përfshirjen e atyre të cilëve i`u referohen dhe të cilët i kërkojnë ndryshimet - nxënësit, mësimdhënësit, prindërit, universitetet dhe shoqatat profesionale. Fëmijët  janë më të rëndësishmit, së bashku mund të ndërtojmë një të ardhme më të mirë.