Në bazë të nenit  54 paragrafit 1 të Ligjit për Standardin e Nxënësve   (“Gazeta Zyrtare e RM” nr. 52/05, 117/08, 17/11, 135/11, 15/13, 41/14, 146/ 15, 30/16, 64/18, 20/19 dhe “Gazeta Zyrtare e Republikës së Maqedonisë së Veriut” nr.248/20 dhe 302/20), Vendimit  për përcaktimin e numrit të bursistëve  dhe lartësisë së bursave për nxënësit e regjistruar në shkollat ​​e mesme në Republikën e Maqedonisë së Veriut për vitin shkollor  2023/2024 (“Gazeta Zyrtare e Republikës së Maqedonisë së Veriut” nr. 180/24) dhe Aktvendimit për shpalljen e Konkursit për ndarjen e 150 (njëqind e pesëdhjetë) bursave për nxënës të talentuar të arsimit të mesëm, përveç nxënësve të talentuar nga arsimi i mesëm në fushën e artit nga shkollat ​​e mesme publike dhe private në Republikën e Maqedonisë së Veriut për vitin shkollor  2024/2025 nr. 19-10129/1 të datë 27.09.2024, Ministria e Arsimit dhe Shkencës shpall

 

 

KONKURS

 

për ndarjen e 150 (njëqind e pesëdhjetë) bursave për nxënës të talentuar të shkollave të mesme (përveç nxënësve të talentuar nga arsimi i mesëm në lëmin e artit) nga shkollat ​​e mesme publike dhe private në Republikën e Maqedonisë së Veriut për vitin shkollor  2024/2025

 

 

Ministria e Arsimit dhe Shkencës për vitin shkollor 2024/2025 do të ndajë 150 (njëqind e pesëdhjetë) bursa për nxënës të talentuar të shkollave të mesme (përveç nxënësve të talentuar nga arsimi i mesëm në lëmin e artit) nga shkollat ​​e mesme publike dhe private në Republikën e Maqedonisë së Veriut

 

I.KUSHTET PËR NDARJEN E BURSËS

 

Të drejtën e bursës e kanë kandidatët të cilët  mësojnë në shkollat ​​e mesme publike dhe private në Republikën e Maqedonisë së Veriut të cilët  i plotësojnë kushtet në vazhdim:

 

1.Të jenë nxënës  të rregullt nga viti i I, II, III dhe IV  të cilët gjatë vitit të kaluar shkollor  kanë fituar  çmim-diplomë për  individ/grup, për vendin I, II ose III të fituar  në garë ndërkombëtar ose në garë shtetëror sipas lëndës ose profesionin (fushën) që kanë mësuar konform planit mësimor dhe programit  mësimor përkatëse;

2. Të kenë arritur sukses të shkëlqyeshëm të vazhdueshëm gjatë arsimimit të deritanishëm;

3. Të mos kenë përsëritur vit gjatë arsimimit;

4. Të mos jenë përfitues të bursave nga institucione apo kompani të tjera;

5. Të jenë nënshtetas të Republikës së Maqedonisë së Veriut.

 

Kriteri për ndarjen e bursave janë çmimi/diploma individual/grupor i fituar  në gara ndërkombëtare apo kombëtare.

 

Për kriterin çmimi dhe diploma  e fituar në  kategorinë  individuale/grupore në garat ndërkombëtare apo shtetërore për nxënësit e viteve I, II, III dhe IV, për vendin e I  (të parë), II (të dytë) ose të III (të tretë) çmimi në gara ndërkombëtare dhe shtetërore  sipas   lëndës ose profesionit (fushës) që nxënësi e ka mësuar konform planit mësimor ose programit mësimor përkatës, pikët maksimale përcaktohen sipas mënyrës në vazhdim edhe atë:

 

Vendi i I (parë) i fituar/çmimi/medalja  në gara ndërkombëtar vlerësohet me 10 pikë,

Vendi i II (i dytë) i fituar/ çmimi /medalja  në gara ndërkombëtar vlerësohet me 8 pikë,

Vendi i III (i tetë ) i fituar/ çmimi/medalja  në gara ndërkombëtar vlerësohet me 6 pikë,

 

 

 Vendi i I (i parë) i fituar në garë shtetëror me 9 pikë,

 Çmimi i I (i parë) i fituar në garë shtetëror me 8 pikë,

 

Vendi i II (i dytë) i fituar në garë shtetëror me 7 pikë,

Çmimi i II (i dytë) i fituar në garë shtetëror me 6 pikë,

 

Vendi i III (i tretë) i fituar në garë shtetëror me 5 pikë,

Çmimi i III (i tretë) i fituar në garë shtetëror me 4 pikë.

 

 

Çdo vend/çmim/medalje e fituar në kategori individuale në gara ndërkombëtare, vlerësohet me 2 pikë shtesë, çdo vend i fituar në kategori individuale në gara shtetërore me 2 pikë shtesë, ndërsa çdo çmim në kategori individuale në gara shtetërore me 1 pikë shtesë.

 

Çdo vend/çmim/medalje e fituar në kategori gruper/ekipore në gara ndërkombëtare, vlerësohet me 1 pikë shtesë, çdo vend i fituar në kategori individuale në gara shtetërore me 1 pikë shtesë, ndërsa çdo çmim në kategori individuale në gara shtetërore me 0,5  pikë shtesë.

 

Për shembull, nxënësi i cili  ka fituar vendin e parë në garë shtetëror, vendin e tretë në garë ndërkombëtare dhe çmimin e dytë në garë shtetërore, fiton 23,5 pikë (9 pikë për vendi e parë në garë shtetëror + 6 pikë për vendit e tretë të fituar në garë ndërkombëtar + 6 pikë për çmimit e dytë të fituar në garë shtetërore). Nxënësi  në mënyrë shtesë fiton + 2,5 pikë (1 për vendin e parë në  gara ndërkombëtarë, 1 për/çmimin/medaljen  në garë ndërkombëtare dhe 0,5 për çmimin e fituar në garë shtetërore).

 

Çmimet-diplomat ku nuk do të përcaktohet saktësisht vendi i fituar, gjegjësisht çmimet-diplomat dhe mirënjohet për pjesëmarrje në gara pa vend të fituar, çmimet-diplomat që janë fituar para vitit të fundit shkollor nuk do të merren parasysh.

 

Për çmimet e fituara në nivel shtetëror do të njihen vetëm çmimet të ndara nga shoqatat e akredituara të mësimdhënësve nga Ministria e Arsimit dhe Shkencës që organizojnë gara të nxënësve.

 

Me  garë ndërkombëtar nënkuptohet  garë e ndërsjellë ndërmjet nxënësve prej më së paku dhjetë vende të ndryshme.

 

 

II. MËNYRA DHE AFATET E PARASHTRIMIT TË DOKUMENTEVE

 

Nxënësit që i plotësojnë kushtet e konkursit plotësojnë aplikacionin elektronik dhe i bashkangjesin dokumentacionin përkatës  në http://e-uslugi.mon.gov.mk prej më 01.10.2024  deri më 15.10.2024.

 

Dokumentet e nevojshme janë:

1. Vërtetim se është nxënës i rregullt në vitin shkollor 2024/2025;

2. Dëftesat për përfundimin e  viteve të mëparshme (kandidatët nga viti i parë dorëzojnë dëftesa  nga klasa VI-IX)  (të bashkëngjiten dëftesat origjinal të skanuara)

3. Diploma për çmime të fituara në gara shtetërore dhe/ose ndërkombëtare; (të bashkëngjiten çmimet/diplomat origjinale të skanuara)

4. Dëshmi e karakterit ndërkombëtar të garës  (nënkupton  garë të ndërsjellë ndërmjet nxënësve ndërmjet  të paktën dhjetë vende të ndryshme).

5. Deklaratë të  nënshkruar nga prindi/kujdestar se kandidati nuk është shfrytëzues i ndonjë burse tjetër të publikuar në ueb faqen e Ministrisë;

6. Deklaratë të nënshkruar nga prindi/kujdestari se dokumentet e bashkangjitura  janë të vërteta të publikuar në portalin e internetit të Ministrisë;

7. Deklaratë për përdorimin e të dhënave personale të nënshkruar me emër dhe mbiemër të plotë nga prindi-kujdestar të publikuar në ueb faqen e Ministrisë;

8. Llogaria rrjedhëse  në emër të nxënësit;

 

Ministria e Arsimit dhe Shkencës zyrtarisht, konform Rregullore  për formularin e kërkesës për akomodim në konviktet e nxënësve dhe formularin e kërkesës për ndarjen e bursës, me dokumentacionin e nevojshëm (“Gazeta Zyrtare e Republikës së Maqedonisë së Veriut” nr. 189 /16 dhe 41/17), do të sigurojë dokumentin në vazhdim:

 

-certifikatën e nënshtetësisë e Republikës së Maqedonisë së Veriut nga Ministria e Punëve të Brendshme.

 

Nëse ka më shumë kandidatë me të njëjtin numër pikësh, përparësi kanë kandidatët e regjistruar në  vit më të lartë dhe që kanë fituar çmime në profesionin në  të cilin nxënësi shkollohet.

 

Kandidatët nuk do të rangohen nëse dokumentacioni i bashkëngjitur nuk është i kompletuar ose nëse nuk është dorëzuar përmes http://e-uslugi.mon.gov.mk. 

 

Lista e kandidatëve të përzgjedhur do të publikohet në http://e-uslugi.mon.gov.mk në pjesën  "Të reja " më së voni deri më 21.11.2024 ndëra  të gjithë kandidatët do të marrin aktvendime  lidhur me statusin e aplikacioneve të tyre të parashtruara në profilet elektronike në http://e-uslugi.mon.gov.mk.

 

III. LARTËSIA E BURSËS

Lartësia e bursës do të jetë 3,500,00 denarë në muaj dhe do të paguhet në periudhë prej nëntë (9) muajve për kohëzgjatjen e vitit shkollor 2023/2024.