Për thellimin e bashkëpunimit në fushën e arsimit dhe shkencës ndërmjet Maqedonisë dhe Rumanisë përmes iniciativave të reja të përbashkëta për lidhjen e institucioneve arsimore,

shkëmbimin e nxënësve, studentëve dhe kuadrit mësimor - shkencor, sot biseduan  ministrja e   Arsimit dhe Shkencës Prof. Dr Vesna Janevska dhe ambasadorja rumune Adela Monika Aksinte.

 

Janevska dhe Aksinte posaçërisht iu referuan mundësisë së ndarjes  së bursave në të ardhmen për studimin e gjuhës maqedonase dhe rumune, letërsisë, kulturës dhe civilizimit në Universitetin e Bukureshtit, gjegjësisht  në lektoratin e  gjuhës rumune në Universitetin “Shën Kirili dhe Metodi” në Shkup.

 

Duke e falënderuar ambasadoren për përkushtimin e saj në zhvillimin e mëtutjeshëm të marrëdhënieve të mira bilaterale, ministrja Janevska theksoi se bashkëpunimi me Rumaninë është me interes kombëtar dhe pret përmbushjen e dispozitave të protokollit të bashkëpunimit që të dyja vendet e nënshkruan në vitin 2023.