Zgjatja e kohës për qëndrim në shkollë është e rëndësishme për të përmirësuar cilësinë e njohurive të nxënësve. Mësimdhënësit  do të mund të hyjnë në atë që kanë ligjeruar  në mënyrë më të detajuar, do të ketë më shumë kohë për  qasje individuale ndaj nxënësve  që kanë nevojë për mësim plotësues si dhe ndaj atyre që kanë nevojë për mësim shtesë. Gjithashtu do të ketë më shumë kohë për aktivitete sportive dhe programe jashtëmësimore. Ministrja e Arsimit dhe Shkencës, Vesna Janevska, duke iu përgjigjur pyetjes së gazetarit, theksoi  se kjo reformë do të fillojë në shkollat ​​që kanë mundësinë e mësimit me një ndërrim  dhe se nuk do të jetë barrë për fëmijët.

“Mësimdhënësit , sipas ligjit, edhe tani duhet të qëndrojnë në shkollë nga  6 orë. Me reformën, së bashku me nxënësit,  do të qëndrojnë më gjatë. Reforma është që  mësimdhënësit të bëhet funksional, në favor të njohurive, kompetencave dhe aftësive të nxënësve. Jemi të fundit në të gjitha testimet  ndërkombëtare, të cilat tregojnë se nxënësit tanë mbeten prapa bashkëmoshatarëve të tyre nga Evropa. Ideja është që të zbatohet diçka që ka dhënë efekte në vendet shumë të zhvilluara”, sqaroi ministrja Janevska.

Nxënësit  nuk do të jenë mbi libër  gjithë  ditën. Ministrja potencoi  se nxënësit do ta përvetësojnë materialin mësimor në mënyrë interaktive, nëse kanë detyra shtëpie, kërkime, detyra projektuese  do të mund t`i kryejnë ato.

„ Nxënësit do të bëjnë  më shumë sport, informatikë, sipërmarrësi, gjithçka që u nevojitet për të hyrë në jetën për të cilën po përgatiten, të mësojnë të mendojnë në mënyrë kritike, të zgjidhin problemet, të zgjidhin konfliktet në mënyrë paqësore, të njohin bullizmin, të pranojnë diversitetin. Sistemi i mëparshëm arsimor nuk i mundësoi të gjitha këto. Për këtë arsye mendojmë se është e nevojshme që mësimdhënësit  të angazhohen më shumë. Qëndrimi nuk do të jetë i vështirë për fëmijët, përveç kësaj ata do të kenë pushim, biseda dhe kohë të lirë, ku do të kryejnë ndonjë obligim apo do të pushojnë”, theksoi ministrja Janevska.