Asnjë fëmijë-nxënës nuk duhet të qëndrojë në shtëpi. Të gjithë nxënësit me aftësi ndryshe duhet të pranohen në shkolla. Kemi  mësimdhënës, ekipe gjithëpërfshirëse dhe shërbime profesionale dhe të  njejtët duhet të jenë të gatshëm t`i prersin  fëmijët, është  përgjigjur  ministrja e Arsimit dhe Shkencës Vesna Janevska në pyetjen e gazetarëve për angazhimin  e asistentëve arsimor në shkollat ​​fillore.

 

- Fëmijët me aftësi ndryshe  kanë dhe do të kenë asistentë. Deri më tani janë siguruar 815 asistentë, për 200 asistentë të tjerë pritëm  ribalancin e buxhetit, për t`i siguruar mjetet. Ministria e Arsimit dhe Shkencës e kreu  detyrën e saj ndërsa konkurset për  asistentë  janë përgjegjësi e shkollave me qendra burimore dhe detyra e tyre është të planifikojnë se kur do të shpallin dhe publikojnë  konkursin. Përse emërojmë drejtorë të shkollave, nëse ata nuk i dinë përgjegjësitë e tyre themelore, shtoi Janevska.

 

Ministrja theksoi se në rrjedhë është nënshkrimi i marrëveshjeve për agazhimin e 815 asistentëve arsimor, duke shtuar se konkursi për 200 asistentë shtesë është i hapur për aplikim.

 

- Këtë vit numri i asistentëve arsimor është dukshëm më i lartë për dallim nga vitet e kaluara. Nëse ka nevojë, varësisht nga kërkesat e prindërve, vitin e ardhshëm shkollor do të angazhojmë një numër edhe më të madh, theksoi ministrja e Arsimit dhe Shkencës.