Ministri i Arsimit dhe Shkencës, në bazë të Ligjit për Mbështetje Financiare të Kategorive të Rrezikuara Sociale të Qytetarëve (“Gazeta Zyrtare e Republikës së Maqedonisë së Veriut” nr.269/23), ministri i Arsimit dhe Shkencës shpall
THIRRJE PUBLIKE
Për mbështetje financiare për nxënësit e shkollave fillore dhe të mesme, familjet e të cilëve kanë të ardhura të përgjithshme të pagës neto mujore deri në 50.000 denarë
Ftohen të gjithë nxënësit e arsimit fillor dhe të mesëm të cilët plotësojnë kushtet në vijim të aplikojnë në Thirrjen Publike për mbështetje financiare për nxënësit e shkollave fillore gjegjësishtë shkollat e mesme:
1. Të cilët janë nënshtetas të Republikës së Maqedonisë së Veriut.
2. Të jenë nxënës të rregullt në arsim fillore, gjegjësisht në arsimin e mesëm:
3. Të jenë nxënës, familjet e të cilëve kanë të ardhura pagë neto mujore në përgjithësi deri në 50,000 denarë.
I. Mënyra e aplikimit
Kandidatët duhet të aplikojnë në shkollën ku nxënësi është i regjistruar. Gjatë aplikimit, kandidatët duhet të plotësojnë formularët për.
- arsimi fillor: Fletëparaqitje e prindit/kujdestarit që paraqet kërkesën, Deklaratë nga prindi/kujdestari tjetër;
-arsimi i mesëm: Fletëparaqitje e prindit/kujdestarit që paraqet kërkesën, Deklaratë nga prindi/kujdestari tjetër.
II. Dokumentet e nevojshme
Ø Kopje e llogarisë së transaksionit të njërit prind/kujdestar që paraqet kërkesën
Ø Vërtetim nga punëdhënësi për pagën e fundit neto të paguar të të dy prindërve/kujdestarëve
Ø Për personat të cilët nuk janë në marrëdhënie të rregullt pune pasqyrë nga të gjitha llogaritë rrjedhëse në emër të prindërve/kujdestarëve për muajin paraardhës, gjegjësisht deri në datën e aplikimit të kësaj thirrjeje, si dhe deklaratë për vërtetësinë e të gjitha të dhënave dhe dëshmive të cilat janë në shtojcë të kërkesës.
Ø Për fermerët individualë të regjistruar, pasqyrë nga të gjitha llogaritë rrejdhëse në emër të prindërve/kujdestarëve për muajin paraardhës, gjegjësisht deri në datën e aplikimit të kësaj kësaj thirrjeje, si dhe deklaratë se certifikatat nga llogaritë e dorëzuara janë llogari të vetmet të cilat i posedojnë në emër të tyre.
Ø Nëse është fëmijë i prindit të vdekur, dëshmi-certifikatë nga libri i të vdekurve dhe çeku i fundit i pensionit.
Ø Nëse është fëmijë i prindërve të divorcuar, dëshmi-aktvendim nga aktgjykimi foqiplotëfuqishëm parashtrues i aplikimit është prindi/kujdestari, i cili vetëm ai dorëzon dokumentacionin e nevojshëm sipas kësaj thirrjeje)
Ø Nëse është fëmijë i prindit pensionist, dëshmi - çeku i fundit i pensionit
Ø Nëse është fëmijë i prindit të papunë, dëshmi - vërtetim nga Agjencia për Punësim e Republikës së Maqedonisë së Veriut se është person i papunë i cili nuk merr kompensim në të holla ose merr kompensim në të holla me shumën e deklaruar të kompensimit në të holla
Ø Deklaratë nga prindi/kujdestari tjetër për dhënien e pëlqimit, parashtruesi i kërkesës duhet të jetë babai/kujdestari, gjegjësisht nëna/kujdestari për shfrytëzimin e mbështetjes financiare në shumë prej 1.800 denarë për nxënësit e arsimit të mesëm, gjegjësisht 1.200 për nxënësit e arsimit fillor, familja e të cilëve ka të ardhurat mujore në përgjithsi paga neto deri në 50.000 denarë.
Paralajmërim: Ministria e Arsimit dhe Shkencës zyrtarisht ka të drejtë të kontrollojë besueshmërinë e të dhënave që do të dorëzohen nga shkollat në institucionet kompetente.
III. Afati për aplikim
Afati i aplikimit është nga data 18 deri më 24 dhjetor të vitit 2023.
III. Informata tjera
Neni 8 i Ligjit për Mbështetje Financiare të Kategorive të Rrezikuara Sociale të Qytetarëve i referohet nxënësve të shkollave fillore dhe të mesme familjet e të cilëve kanë të ardhura të përgjithshme mujore nga neto paga deri në 50.000 denarë. Kështu që të gjitha transfertat e tjera (p.sh. subvencionet, ndihmat sociale, shtesat e veçanta, shtesa për fëmijën e tretë etj.) nuk konsiderohen të ardhura neto mujore në bazë të pagës.
Gjithashtu nëse paraqiten nxënës të cilët janë nga bashkimi jashtëmartesor, me çertifikatë të lindjes së fëmijës ose nga ana tjetër, nëse i njihet prindërimi, por nuk jetojnë në bashkësi dhe certifikata përmban të dhëna nga prindi që nuk jeton me nxënësin, krahas certifikatës së lindjes, dëshmi përkatëse nga Qendra për Punë Sociale. Në këtë rast parashturesi i aplikimit është prindi/kujdestari, i cili vetëm ai dorëzon dokumentacionin e nevojshëm sipas kësaj thirrjeje.
Për ata nxënës që nuk kanë marrë mbështetje financiare në thirrjet e mëparshme ose të cilëve u është ndërprerë e drejta për shkak të mosplotësimit të njërit prej kritereve, Ministria e Arsimit dhe Shkencës shpall thirrje publike çdo muaj, deri në ditën e pestë të muajit.
Thirrja zgjat shtatë ditë nga dita e publikimit për nxënësit që nuk kanë aplikuar ose nuk i kanë plotësuar kushtet.
Kur shkollat konstatojnë se nxënësi i caktuar nuk i plotëson më kushtet për shfrytëzimin e mbështetjes financiare, pas marrjes së të dhënave nga shkolla, Ministria e largon personin nga evidenca e shfrytëzuesve të mbështetjes financiare.
Ministria e Arsimit dhe Shkencës kryen pagesat në baza mujore për nxënësit që plotësojnë kushtet.