Në bazë të nenit 16 paragrafit 1 të Ligjit për Tekste Shkollore për Arsimin Fillor dhe të Mesëm (“Gazeta Zyrtare e Republikës së Maqedonisë” nr. 98/08, 99/09, 83/10, 36/11, 135/11, 46/ 12, 24/13, 120/13, 29/14, 146/15, 217/15, 30/16 dhe 21/18), drejtori i Shërbimit Pedagogjik publikon :
Shpallje publike
për recensentë të dorëshkrimeve për tekste shkollore
1. Porositës : Ministria e Arsimit dhe Shkencës - Shërbimi Pedagogjik, Rruga “Shën Kirili dhe Metodi” , nr. 54-Shkup.
2. Publikohet shpallje publike për recensentë të dorëshkrimeve për tekste shkollore për lëndët:
- GJUHA MAQEDONASE për klasën e VII në arsimin fillor nëntëvjeçar,
- GJUHA SHQIPE për klasën e VII në arsimin fillor nëntëvjeçar,
- GJUHA SERBE për klasën e VII në arsimin fillor nëntëvjeçar,
- GJUHA TURKE për klasën VII në arsimin fillor nëntëvjeçar,
- GJUHA BOSHNJAKE për klasën VII në arsimin fillor nëntëvjeçar,
- MATEMATIKA për klasën e VII në arsimin fillor nëntëvjeçar,
- SHKENCAT NATYRORE për klasën VII në arsimin fillor nëntëvjeçar,
- HISTORIA DHE SHOQËRIA për klasën VII në arsimin fillor nëntëvjeçar,
- GJUHA SHQIPE (lëndë me zgjedhje) për klasën VII në arsimin fillor nëntëvjeçar dhe GJUHA SHQIPE (gjuhë e bashkësisë) për klasën e V në arsimin fillor nëntëvjeçar,
3. Recensentët e paraqitur duhet t`i plotësojnë kushtet në vazhdim:
- të jenë mësimdhënës nga fakultetet për mësimdhënës për lëndën mësimore për të cilën është destinuar teksti shkollor dhe së paku 10 vjet përvojë pune në mësimdhënie dhe
- të jenë mësimdhënës nga shkollat fillore pëkatëse për lëndën mësimore për të cilën është destinuar teksti shkollor dhe së paku 10 vjet përvojë pune në mësimdhënie.
Kandidatët e interesuar fletëpraqitjes detyrimisht duhet t`i bashkangjesin:
- vërtetim ose diplomë për arsimin e përfunduar përkatës, në origjinal ose të vërtetuar me vulë noteriale (kandidatët të cilët kanë mbaruar arsimin jashtë vendit janë të obliguar të dorëzojnë diplomë të nostrifikuar nga Republika e Maqedonisë së Veriut),
- nëse emri dhe mbiemri i autorit në fletëparaqitje ndryshojnë nga emri dhe mbiemri i treguar në certifikatën ose diplomën e arsimit të përfunduar përkatës, do t`i bashkëngjitet dëshmia përkatëse për identitetin e të dhënave.
- deklaratë se i plotësojnë kushtet sipas nenit 11 të Ligjit për Tekstet Shkollore për Arsimin Fillor dhe të Mesëm
- vërtetim për përvojën e punës të lëshuar nga FSPIMV ose APRMV
4. Recensentët e paraqitur të cilët i plotësojnë kushtet nga pika 3 mund të dorëzojnë edhe :
Për kandidatët nga arsimi fillor
· dëshmi për titullin e fituar mësimdhënës-mentor,
· çmime e fituara si mentor i nxënësit në gara shtetërore të organizuara nga shoqatat e akredituara të mësimdhënësve në shkollat fillore dhe garat ndërkombëtare në të cilat marrin pjesë të paktën 10 shtete,
· suksesi mesatar të paktën 8 në studimet e ciklit të parë
· diploma/certifikata për avancimin profesional të mësimdhënësve përmes programeve të akredituara për trajnim, projekteve të miratuara nga Ministria e Arsimit dhe Shkencës.
Për kandidatë nga arsimi i lartë
· Për kandidatë nga arsimi i lartë
· Autor ose pjesëmarrës në përgatitjen e tekstit shkollor ose kapitullit
· Autor ose bashkautor i punimeve shkencore të publikuara në revista ndërkombëtare
· Pjesëmarrje në simpozium me prezentim të punimit shkencor
· Angazhimi si konsulent në veprimtarinë e aplikimit
5. Certifikatat/diplomat, si dhe dokumentet nga pika 4 nuk janë kusht për pranimin e fletëparaqitjes, por recensentët do të vlerësohen shtesë konform kritereve të pikëzimit për recensentët të cilët i plotësojnë kushtet nga pika 4 paragrafi 1 dhe Kriteret e pikëzimit për recensentët e regjistruar që plotësojnë kërkesat e pikës 4 paragrafi 2, gjatë rangimit në listën e recensuesve të përzgjedhur.
Fletëparaqitja mund të shkarkohet nga linku i mëposhtëm ose mund të merret në Ministrinë e Arsimit dhe Shkencës -Shërbimi Pedagogjik Rr Kirili dhe Metodi nr. 54, Shkup.
Fletëparaqitja e plotësuar (nëse kandidati paraqitet për disa lëndë, për secilën lëndë duhet të dorëzojë fletëparaqitje të veçantë) së bashku me të gjithë dokumentacionin, dorëzohet në Ministrinë e Arsimit dhe Shkencës-Shërbimi Pedagogjik, Rr. "Kirili dhe Metodi " nr. 54, Shkup.
Afati i fundit për dorëzimin e fletëparaqitjeve është 15.01.2024 Dorëzimi i fletëparaqitjeve jo të plota ose të pa kompletuara nuk do të merren në shqyrtim.