Në bazë të nenit 12 - a të  Ligjit për  Akademinë e  Sportit  ( "Gazeta Zyrtare"e Republikës së Maqedonisë nr.115/14, 129/15, 146/15, 30/16 dhe 142/16) dhe Rregullores  për mënyrën dhe kriteret e veçanta  për ndarjen e bursës  mujore për  nxënësit  në Akademinë e sportit  ( "Gazeta Zyrtare" e Republikës së Maqedonisë nr.191 / 15), Ministria e Arsimit dhe Shkencës shpall

                         

                                  KONKURS

për ndarjen e bursave për nxënës në ASHS “ Akademia e Sportit” për vitin shkollor 2023/2024

Ministria e Arsimit dhe Shkencës për vitin shkollor 2023/2024  do të ndajë  bursa për nxënësit e regjistruar në ASHS “ Akademia e Sportit”   në Republikën e Maqedonisë së Veriut

 

 

I. KUSHTET PËR NDARJEN E BURSËS

 

Të drejtë burse  kanë nxënësit të regjistruar në ASHS “ Akademia e Sportit”   në Republikën e Maqedonisë së Veriut  ndërsa i plotësojnë kushtet në vijim:

 

1.Të jenë nxënës të rregullt në Akademinë e Sportit  (prej vitit të  II, III dhe/ose

 

2. Gjatë vitit të kaluar të kenë arritur sukses të përgjitshëm shumë mirë 4,00 (katër) dhe shkëlqyeshëm 5 (pesë) nga lënda zgjedhore - stërvitje  nga sporti i zgjedhur në fund të vitit shkollor;

 

3. Të mos kenë përsëritur vit gjatë arsimimit;;

4. Të mos jenë shfrytëzues të bursave nga institucione ose kompani  tjera;;

5. Të jenë shtetas të Republikën e Maqedonisë së Veriut.

 

II. MËNYRA DHE AFATI I APLIKIMIT

 

 Nxënësit të cilët i plotësojnë kushtet sipas konkursit të plotësojnë Fletëparaqitjen elektronike dhe e bashkangjesin dokuementacionin e nevojshëm në https://e-uslugi.mon.gov.mk prej datës 02.10.2023 - 13.10.2023.

 

  III. DOKUMENTET E NEVOJSHME

Nxënësit të cilët kanë aplikuar në mënyr elektroniek është e nevojshme që të dorëzojnë dokumentet në vazhdim:

 

1.  Certifikatën e nënshtetësisë të RMV.

2. Vërtetim se është nxënës i rregullt në vitin shkollor 2022/2023 të lëshuar nga ASHS“ Akademia e Sportit”.

3. Dëftesave për mbarimin e vitit të parë, dytë dhe/ose të tretë të arsimit;

4. Deklaratë të  nënshkruar nga prindi/kujdestari se kandidati nuk është shfrytëzues i ndonjë burse tjetër, ( publikuar në sajtin mon.gov.mk);

5. Deklaratë nga prindi/ ujdestari për përpunimin dhe shfrytëzimin e të dhënave personale të tij/saj dhe të dhënave personale të kandidatit.

 

 Me parashtrimin e dokumenteve të nevojshme kandidatët  rekomandohen që gjithashtu  të dorëzojnë edhe kopje të llogarisë së transaksionit. 

 

Ministria e Arsimit dhe Shkencës nga Ministria e Punëve të  Brendshme zyrtarisht do të sigurojë certifikatën e nënshtetësisë së Republikës së Maqedonisë së Veriut .

 

IV. LARTËSIA E BURSËS

 

Lartësia e bursës është 3500 denarë në muaj për nëntë muaj gjatë vitit shkollor.

Nxënësit të cilët do të jenë përfitues të bursës do të nënshkruajnë Marrëveshje me Ministrinë e Arsimit dhe Shkencës ku do të përcaktohen të drejtat dhe detyrimet.

 Të gjithë përfituesit e bursave janë të obliguar që pas publikimit të listës, ndërsa më së voni 01.12.2023 të nënshkruajnë marrëveshje për bursë me Ministrinë e Arsimit dhe Shkencës . Të gjithë kandidatët që nuk do të respektojnë këtë afat do të konsiderohet se kanë refuzuar bursën.

Lista e nxënësve që do të fitojnë të drejtën e bursës do të publikohet më 13.11.2023 në ueb faqen mon.gov.mk dhe në ASHS “Akademia e Sportit”.