Sot, më 13.09.2023, në Ministrinë e Arsimit dhe Shkencës sekrtetari shtetëror u takua me drejtorët e shkollave fillore me qendër burimore.
Qëllimi i takimit ishte që të shqyrtohen sfidat dhe përfitimet në realizimin e arsimit gjithpërfshirës, si dhe cilësinë e bashkëpunimit të shkollave fillore me qendër burimore me shkollat fillore si shtytës i të gjithë procesit.
Arsimi gjithëpërfshirës është proces i vazhdueshëm dhe proces në të cilin duhet të bëhen investime të vazhdueshme për të përmirësuar cilësinë.
Në takim u parashtruan disa pyetje të dala nga praktika, për të cilat duhet të bëhen konsultime shtesë apo ndryshime të caktuara në legjislacionin ekzistues ligjor.
Duke e marrë parasysh se shkollat fillore me qendër burimore janë përgjegjëse për përzgjedhjen, selektimin dhe punësimin e asistentëve arsimorë, në takim u diskutua edhe për procesin dhe mënyrën e koordinimit të tyre në shkollat fillore.
Konkluzioni i përbashkët është se është i nevojshëm avancimi i vazhdueshëm profesional në fushën e arsimit gjithëpërfshirës për punonjësitë në shkollat fillore me qendër burimore, por edhe për punonjësit në shkollat fillore.
Gjithashtu është i nevojshëm edhe përforcimi i bashkëpunimit të institucioneve arsimore për realizimin e arsimit gjithëpërfshirës cilësor, siq janë Shërbimet e Vlerësimit Funksional, Byroja e Zhvillimit të Arsimit dhe Inspektorati Shtetëror i Arsimit me shkollat fillore dhe me shkollat fillore me qendër burimore.