Avancimi i standardit të nxënësve dhe studentëve është një nga prioritetet kyçe të Ministrisë së Arsimit dhe Shkencës, ku në veçanti zhvillohet kujdes për ofrimin e kushteve më të mira për akomodim dhe qëndrim në konviktet e studentëve. Në këtë drejtim, pas një sërë rikonstruksionesh të konvikteve për studentë filluan edhe aktivitetet përgatitore për realizimin e projektit më të madh infrastrukturor lidhur me konviktet shtetërore të studentëve, i cili parashikon rikonstruksionin e plotë dhe transformimin e tyre në objekte me efikasitet energjetik, për të cilin do të investohen 25 milionë euro. Bëhet fjalë për rikonstruimin e gjithsej 8 objekteve në të cilat do të përmirësohet komoditeti bazë dhe integriteti strukturor.
Ky informacion u shpërnda nga delegacioni i Ministrisë së Arsimit dhe Shkencës, i kryesuar nga shefi i Kabinetit të Ministrit, Agim Shaqiri, i cili po merr pjesë në konferencën treditore ndërkombëtare të konvikteve për nxënës dhe studentë në Evropën Juglindore, e cila po mbahet në Beograd- Republika e Serbisë, nën titullin “Sfidat në punë – me dialog për përparim”.
Duke sqaruar mënyrën e funksionimit dhe financimit të konvikteve, përfaqësuesit e MASH-it theksuan se konferenca është me rëndësi të jashtëzakonshme për Ministrinë nën juridiksionin e të cilit janë shkollat dhe konviktet e nxënësve dhe studentëve, sepse pikërisht në evente të këtilla dhe me pjesëmarrjen e përfaqësuesve të disa shteteve mund të ndahet dhe dëgjohet përvoja e dikujt që do të mund të ndihmojë në menaxhimin më të mirë të punës së këtyre institucioneve.
Në konferencë u theksua se Ministria e Arsimit dhe Shkencës në bashkëpunim me shoqatat e të rinjëve dhe shoqatën e kovikteve të nxënësve dhe konvikteve për studentë po punojnë në përgatitjen e ligjit të ri për standardin e të rinjëve i cili ndër të tjera do të reformojë mënyrën e financimit të konvikteve për nxënës dhe student dhe do të përmirësoj standardin e të rinjëve në vendin tonë.