Me rastin e festave të fundvitit, Ministria e Arsimit dhe Shkencës shpall

 

KONKURS

për nxënësit e arsimit fillor me temë “Botën  që  e dua në vitin 2023”

 

I.KUSHTET PËR PJESËMARRJE

Të drejtë pjesmarrjeje kanë nxënësit nga klasa e parë deri në klasën e nëntë nga shkollat fillore në territorin e Republikës së Maqedonisë së Veriut.

 

Konkursi shpallet për garë në vizatim dhe të menduarit kritik përmes vizatimit.

 

 

II. MËNYRA DHE AFATI I PARAQITJES

Punimet duhet të jenë origjinale, fryt i punës dhe njohurisë së nxënësit, të inspiruar nga sfidat e të mësuarit për vitin shkollor vijues 2022/2023.

Konkursi publikohet për garë në vizatim në tri kategori dhe atë:

 

Kategoria e parë për nxënësit nga klasa e parë deri në klasën e tretë;

Kategoria e dytë për nxënësit nga klasa e katërt deri në klasën e gjashtë;

Kategoria e tretë për nxënësit nga klasae shtatë deri në klasën e nëntë;

 

Formati i vizatimit duhet të jetë bllok A4.

Një nxënës mund të dërgojë vetëm nga një punim artistik individual në vetëm një kategori përkatëse me klasën në të cilën mëson nxënësi.

 

Punimi i nxënësit dërgohet në zarf të mbyllur. Punimi i nxënësit duhet të përfshijë shifrën, klasa dhe kategorinë për të cilën nxënësi aplikon. Në zarf të brendshëm të veçantë të shënuarme të njëjtën shifër të nxënësit të dorëzohen të dhënat e nxënësit (emri dhe mbiemri, klasa në të cilën mëson nxënësi, shkolla, komuna dhe numri i telefonit kontaktues i prindit/kujdestarit). Zarfi i brendshëm me të dhënat e nxënësit do të hapet vetëm për punimet e shpërblyera pas përzgjedhjes në kategori.

Punimi, së bashku me zarfin me të dhënat e nxënësit që e ka përgatitur, duhet të dorëzohet më së voni 10 ditë nga shpallja e konkursit, në zarf të mbyllur me shënimin e mëposhtëm: “Botën  që  e dua në vitin 2023”,

në adresën në vijim: Ministria e Arsimit dhe Shkencës, rr. “Kirili dhe Metodi” nr. 54 1000 Shkup

     

 

III.MËNYRA E PËRZGJEDHJES

 

Për përzgjedhjen e punimit më të mirë në secilën nga kategoritë e shënuara, Ministria e Arsimit dhe Shkencës do të formojë komision të përbërë prej pesë (5) anëtarëve.

 

IV.NDARJA E SHPËRBLIMEVE

 

Ndahengjithsejtreçmimepërkatësepërsecilënngakategoritë, vetëmpërvendin e parëtëfituarpërveprënmëtëmirënëkategorinëpërkatëse.

 

 

Ministria e Arsimit dhe Shkencës do t`i publikojë emrat e nxënësve të shpërblyer në ueb faqen e saj www.mon.gov.mk, më së voni deri më 31 dhjetor të vitit 2022.

Pjesëmarrësit e shpërblyer do të ftohen në takim në Ministrinë e Arsimit dhe Shkencës, ku do t`iu dorëzohetshpërblimi.