Ministri i Arsimit dhe Shkencës, Jeton Shaqiri, sot realizoi takim  pune me përfaqësuesit e Unionit të shkollave të mesme  të Gostivarit, në të cilën është diskutuar për interesat e të rinjve, problemet me të cilat ballafaqohen gjatë shkollimit, përmisimin e standardit të nxënësve dhe infrastrukturës arsimore

 

-  Na gëzon fakti, se të rinjtë gjithnjë e më shumë kërkojnë të dëgjohet  zëri i tyre , idetë e tyre. Sot me nxënës të shkollave të mesme të komunës së Gostivarit diskutuam për procesin e arsimit, interesat e tyre. Përfaqësuesit  shprehën numër të madh propozimesh dhe idesh lidhur me reformat në arsimin e mesëm, një pjesë e  tyre tashmë janë planifikuar dhe do të inkorporohen në Ligjin e ri për Arsimin e Mesëm, deklaroi  Shaqiri.

 

Ju bëj thirrje, u shpreh Ministri të gjithë nxënësëve të shkollave të mesme në vend që të përfshihen në mënyr atkive  në procesin e reformimit të arsimit të mesëm dhe të shprehin idetë dhe mendimet e tyre për përmirësimin e procesit arsimor.

 

- Të rinjtë janë e ardhmja e vendit tonë dhe vetëm përmes  pjesëmarrjes së  tyre aktive në krijimin e politikave arsimore mund të shpresojmë në krijimin e arsimit në përputhje me trendet botërore, shtoi Shaqiri.