Në bazë të nenit 54 paragrafi 1 të Ligjit për Standardin e Nxënësve ("Gazeta Zyrtare e Republikës së Maqedonisë" nr. 52/05, 117/08, 17/11, 135/11, 15/13, 41/14, 146/ 15, 30/16, 64/18, 20/19 dhe "Gazeta Zyrtare e Republikës së Maqedonisë së Veriut" nr. 248/20 dhe 302/20), Vendimi për përcaktimin e numrit të bursistëve dhe shumën e bursave për nxënësit e regjistruar në shkollat ​​e mesme në Republikën e Maqedonisë së Veriut për vitin shkollor 2022/2023 ("Gazeta Zyrtare e Republikës së Maqedonisë së Veriut" nr. 226/22), dhe Aktvendimi për shpalljen e konkursit për ndarjen e 900 (nëntëqind) bursave për mbështetje sociale për nxënës nga shkollat ​​e mesme publike dhe private në Republikën e Maqedonisë së Veriut për vitin shkollor 2022/2023 nr. 19-13010/1 të datës datë 27.10.2022 Ministria e Arsimit dhe Shkencës shpall

 

 

 

K O N K U R S

për ndarjen e 900 (nëntëqind) bursave për mbështetje sociale për nxënës nga shkollat e mesme publike dhe private në Republikën e Maqedonisë së Veriut për vitin shkollor 2022/2023 

 

Ministria e Arsimit dhe Shkencës për vitin shkollor 2022/2023 do të ndanë 900 (nëntëqind) bursa për mbështetje sociale për nxënës  nga shkollat ​​e mesme publike në Republikën e Maqedonisë së Veriut. 

 

 

 I. KUSHTET PËR NDARJEN E BURSËS

Të drejtë për bursë kanë kandidatët që mësojnë në shkolla të mesme publike në Republikën e Maqedonisë së  Veriut  dhe plotësojnë kushtet:

1. Të jenë nxënës të rregullt të vitit të I  të cilët gjatë arsimit fillor kanë arritur sukses të vazhdueshëm të paktën sukses shumë mirë;

2. Të jenë nxënës  të rregullt në vitin  II, III dhe IV, të cilët gjatë arsimit të mesëm kanë arritur sukses të vazhdueshëm të paktën sukses shumë mirë;

3. Të mos ketë përsërit vit gjatë arsimimit;

4. Të mos jenë shfrytëzues të bursave nga institucione ose kompani të tjera;

5. Të jenë shtetas të Republikës së Maqedonisë  së  Veriut.

 

Kriteret për ndarjen e bursave janë:

-Gjendja materiale e familjes së ngushtë e nxënësit,

-Pozita sociale e familjes së ngushtë e nxënësit,

-Suksesi i arritur dhe

-Shpërblime të fituara  në garat ndërkombëtare/ shtetërore të fituara gjatë dy viteve të mëparshme shkollore për nxënësit e vitit të parë, gjegjësisht  gjatë vitit shkollor të mëparshëm për nxënësit nga viti II, III dhe IV

 

Për kriterin e gjendjes materiale të nxënësit dhe familjes tyre më të ngushtë, merren të ardhurat mujore bazuar në pagën mujore, pension, ndihmë sociale ose kompensim me bazë tepricë teknologjike për prindërit-kujdestarët e familjes së nxënësit në lidhje të pagës mesatare mujore të paguar neto për punonjës në Republikën e Maqedonisë  së Veriut për tre muajt e fundit të përcaktuar nga Enti Shtetëror i Statistikës.

 

 Nëse të ardhurat mujore të familjes së ngushtë për anëtar janë më të vogla ose të barabarta me 35% të pagës mesatare mujore të paguar në Republikën e Maqedonisë së Veriut, kandidati merr numrin maksimum  prej 60 pikë, nëse të ardhurat mujore të familjes për anëtar janë më të mëdha se 35% dhe janë më të ulëta  ose të barabarta me 45% të pagës mesatare mujore neto të paguar në Republikën e Maqedonisë së Veriut , kandidati merr 40 pikë, nëse të ardhurat mujore të familjes për anëtar janë më të mëdha se 45% dhe janë më të ulëta  ose të barabarta me 55% të pagës mesatare mujore të paguar neto në Republikën e Maqedonisë së Veriut  kandidat merr 30 pikë, nëse të ardhurat mujore të familjes për anëtar janë më të mëdha se 55% dhe janë më të vogla ose të barabarta me 65% të pagës mesatare mujore të paguar neto në Republikën e Maqedonisë së Veriut, kandidat  merr 20 pikë, nëse të ardhurat mujore të familjes për anëtar janë më të mëdha se 65% dhe janë më të ulëta  ose të barabarta me 75% të pagës mesatare mujore të paguar në Republikën e Maqedonisë së Veriut, kandidat merr 10 pikë dhe nëse të ardhurat mujore të familjes për anëtar janë më të larta se 75% të pagës mesatare mujore të paguar neto në Republikën e Maqedonisë së Veriut , nuk merren pikë.

                                    

Të ardhurat e përgjithshme mujore për anëtar të familjes llogariten si shuma e të gjitha të ardhurave mujore të secilit anëtar të familjes me të cilin jeton nxënësi, pjesëtuar me numrin e përgjithshëm të anëtarëve të familjes.

 

Të ardhurat mujore konsiderohen:

• Paga e fundit e paguar nga babai
• Paga e fundit e paguar nga nëna
• Paga e fundit e paguar nga anëtarët e tjerë të familjes
• Të ardhurat për kryerjen e veprimtarisë ekonomik edhe  profesionale (në nivel vjetor)/ 12 (muaj) për secilin anëtarë të familjes  individualisht
• Të ardhurat për kryerjen e veprimtarisë bujqësore  (në nivel vjetor)/ 12 (muaj) për secilin anëtarë të familjes  individualisht
• Të ardhurat nga prona dhe të drejtat pronësore   (në nivel vjetor)/ 12 (muaj) për secilin anëtarë të familjes  individualisht
• Të ardhura të tjera (në nivel vjetor)/ 12 (muaj) për secilin anëtarë të familjes  individualisht
• Nxënësit - fëmijët e prindërve vetushqyes, fëmijët e shfrytëzuesve të  ndihmës sociale dhe fëmijët e shfrytëzuesve të kompensimit në bazë të tepricës teknologjike tek të cilët  të ardhurat e përgjithshme në familje janë  deri në pagën minimale neto të caktuar në Republikën e Maqedonisë së Veriut , marrin nga 5 pikë.

 

Për shpërblimet e fituara në nivel shtetëror do të njihen vetëm shpërblimet e ndara nga shoqatat e akredituar të mësimdhënësve nga ana e Ministrisë së Arsimit dhe Shkencës të cilët organizojnë gara për nxënës. Gara ndërkombëtare nënkupton  garat në mes nxënësve më së paku prej dhjetë shteteve të ndryshme.

 

II. MËNYRA, DHE AFATI I APLIKIMIT

Nxënësit të cilët plotësojnë kushtet  e konkursit plotësojnë aplikim  -elektronike dhe bashkëngjisin dokumentacionin përkatës në  http://e-uslugi.mon.gov.mk dhe nëse nuk kanë mundësi të aplikojnë në mënyrë elektronike, plotësojnë aplikacion në letër (listë evidentuese) dhe dorëzojnë dokumentacionin e nevojshëm pas konkursit në Ministrinë e Arsimit dhe Shkencës, nga data  28.10.2022 deri më  datë 13.11.2022, nga  ora 09-15.

 

Dokumentet e nevojshme  për dorëzim janë:

1. Listë evidentuese, vetëm për kandidatët që do të aplikojnë në letër;

2.Vërtetim se është nxënës i rregullt në vitin shkollor 2022/2023;

3.Kopje të dëftesave të noterizuara për vitet arsimit  të mbaruara më herët (kandidatët e vitit të I dorëzojnë dëftesat prej klasës VI-IX); (kandidatët që aplikojnë në mënyrë elektronike, të bashkëngjisin  dëftesat origjinale të skanuara)

4.Kopje të noterizuara të diplomave për shpërblimet e fituara në garat shtetërore dhe / ose ndërkombëtare; (Kandidatët që aplikojnë në mënyrë elektronike, për të bashkangjitur diplomat origjinale të skanuara);

5."Vërtetim  për pagën e realizuar të anëtarëve të familjes të punësuar për muajin shtator 2022 ndërsa  nëse për këtë muaj nuk është bërë pagesa e pagës atëherë të dorëzohet vërtetim  për pagën e fundit të paguar; për anëtarët e pensionuar të familjes të dorëzohet dokument për shumën e pensionit- çeku; për prindërit e divorcuar të dorëzohet dëshmi për divorc dhe nëse kandidati merr alimentacion e njëjta të dëshmohet si e ardhur mujore; për shfrytëzuesit e ndihmës sociale të dorëzohet  Aktvendimi i fundit ose çeku i fundit; për invaliditet të dorëzohet vërtetim mjekësor; ndërsa për vëllezër/motra të kandidatit të cilët janë nxënës/studentë, dorëzohet vërtetim nga shkolla, gjegjësisht  fakulteti ose institucion tjetër;

6.Deklaratë të nënshkruar nga prindi - kujdestari se kandidati nuk është shfrytëzues i ndonjë burse tjetër publikuar në ueb faqe të ministrisë;

7.Deklaratë të nënshkruar nga prindi - kujdestari se dokumentet e dorëzuara janë të sakta dhe identike me të dhënat e shënuara në Fletë aplikimin elektronik, të publikuar në ueb faqen e Ministrisë;

8.Deklaratë të nënshkruar nga prindi - kujdestari për përpunimin e të dhënave personale të kandidatit dhe familjes së ngushtë (prind-kujdestar, vëllezër, motra) me të cilën pajtohet që Ministria e Arsimit dhe Shkencës zyrtarisht të sigurojë dokumentacionin e nevojshëm nga institucionet publike me të cilët kanë të lidhur marrëveshje për bashkëpunim, të publikuar në ueb faqen e Ministrisë;

9.Llogaria rrjedhëse e transaksionit në emrin e nxënësit

 

Ministria e Arsimit dhe Shkencës zyrtarisht, në pajtim  me Rregulloren për formularin e kërkesës për akomodim në konvikt dhe formularin e kërkesës për  ndarjen e bursës, me dokumentacionin e nevojshëm ("Gazeta Zyrtare e Republikës së Maqedonisë së Veriut" nr. 189/16), do të sigurojë dokumentin:

-Certifikatë nga Drejtoria e të Ardhurave Publike, për realizimin e të ardhurave mujore me bazë të ndryshme për vitin e mëparshëm (të ardhura nga veprimtaria e pavarur, të ardhura për realizimin e veprimtarisë bujqësore, të ardhura nga prona dhe të drejtat e pronësisë, të ardhura nga kapitali, përfitime kapital, përfitime nga lojërat e fatit dhe lojëra tjera shpërblyese, të ardhura tjera), për dy prindërit – kujdestarët, vëlla/motër të kandidatit

- Vërtetim se janë të papunësuar ose marrin/nuk marrin kompensim për anëtarët e papunësuar të familjes më të ngushtë nga Agjencinë për Punësim i Republikës së Maqedonisë së Veriut;

- Certifikatë e të lindurve për vëlla/motër nën moshën 6 vjeçare, si dhe certifikatë e të vdekurve për prind të vdekur nga Drejtoria për Udhëheqjen me Librat Amë.

- Certifikatën e shtetësisë së Republikës së Maqedonisë së Veriut nga Ministria e Punëve të Brendshme.

 

Kandidatët nuk do të rangohen nëse dokumentacioni është i pakompletuar dhe  i dorëzuar pas afatit.

 

Lista e kandidatëve të përzgjedhur do të publikohet më datën 15.12.2022 në faqen e internetit të Ministrisë.

 

Të gjithë fituesit e bursave janë të detyruar të nënshkruajnë marrëveshjen e bursës me Ministrinë e Arsimit dhe Shkencës deri më  datën 30.12.2022 pas shpalljes së listës. Të gjithë aplikantët të cilët nuk e respektojnë këtë afat, do të konsiderohen si të kishin hequr dorë nga bursa.

 

IV. SHUMA E BURSËS  

Shuma e bursës do të arrijë 3.500,00 denarë në muaj, dhe do të paguhet në kohëzgjatje për nëntë (9) muaj gjatë vitit shkollor 2022/2023.