Ministria e Arsimit dhe Shkencës e Republikës së Maqedonisë së Veriut

  / Lajme dhe Ngjarje / Shaqiri: Në fokusin e MASH-it është krijimi i reformave për parandalimin e “ikjes së trurit”

Shaqiri: Në fokusin e MASH-it është krijimi i reformave për parandalimin e “ikjes së trurit”

 

Shaqiri: Në fokusin e  MASH-it  është krijimi i  reformave  për parandalimin e “ikjes së  trurit”

 

“Ikja e trurit” është shndërruar në refren të trishtuar në Ballkanin Perëndimor, ku shumë të rinj vlerësojnë ëndrrat e tyre për të jetuar dhe punuar jashtë vendit. Them që përtej kësaj, ky është një fenomen global, por kur prek vendet e vogla që janë ende në zhvillim, pasojat janë më të dukshme dhe më të ndjeshme në të gjitha segmentet e jetës shoqërore.

Kështu deklaroi ministri i Arsimit dhe Shkencës Jeton Shaqiri në tryezën e rrumbullakët me temë “Kthimi i trurit në vendlindje”, organizuar nga Universiteti “Nënë Tereza”.

- Më duhet të them se fokusi i Ministrisë së Arsimit dhe Shkencës është krijimi i proceseve reformuese me një qasje serioze ndaj këtij fenomeni, sepse duke ndërtuar një sistem arsimor cilësor dhe premtues, duke mbështetur talentet dhe masat për harmonizimin e drejtimeve  dhe arsimit për nevojat e tregut  kontribuojmë në krijimin e kushteve dhe standardeve më të mira të jetesës këtu në vendin tonë, theksoi  ministri.

Mendoj, theksoi ai, se duhet të flasim më shpesh për arsyet e qëndrimit në vendlindje, si dhe të flasim për mënyrat e kthimit të kuadrove me përvojë, me qëllim që të krijohet një klimë më pozitive dhe më shpresëdhënëse për brezat e ardhshëm.

“Kur një gjëje  i qasemi si problem apo si sfidë, duhet të përpiqemi të gjejmë alternativa për të ofruar zgjidhje”, shtoi Shaqiri.

 

[ Thursday, June 23, 2022 ] [ 1 ]

 

Lajme dhe Ngjarje

Back to top
Close Offcanvas Sidebar